ကျွန်တော့်ဘလောဒ်စာမျက်နှာလေးတွေမှာ အက္ခရာမတင်နိုင်တာ အတော်လေး ကြာပါပြီ။ ကိုယ်တိုင် မရေးတတ်ရင်တောင် အရင်ကဆို ဖတ်လို့ကောင်းတဲ့ သူများပိုဒ်စ့်လေးတွေကို ကူးတင်နေကြပါ။ အခု ဒီအလေ့အထပါ မသိမသာ ဆိတ်သုဉ်းနေပါပြီ။ ကျွန်တော်တို့ရဲ့ ဖြတ်သန်းခဲ့ဖူးတဲ့ အတိတ်ကပုံရိပ်လေးတွေကို ကိုယ်စီဆုပ်ကိုင်ထားတဲ့ ပုံစံခွက်တွေထဲမှာ အဆီအငေါ်မတည့်တဲ့ ဘဝတွေ သွတ်သွင်းရင်း ဆိတ်သုဉ်းလုဆဲဆဲ ဘလောဒ် စာမျက်နှာလေးပေါ်မှာ အမှတ်တရအနေနဲ့ တောင်စဉ်ရေမရ ရေးသားထားခဲ့ချင်ပါတယ်။ Please! ကျေးဇူးပြု၍ ထင်ရာလုပ်ခွင့်ပြုပါ။
စင်္ကာပူနိုင်ငံဟာ ကျွန်တော့်တို့လို “ရွှေ”တွေအတွက် အလုပ်လာရောက်လုပ်ကိုင်ဖို့ လက်လှမ်းမှီတဲ့ နိုင်ငံတစ်နိုင်ငံပါ။ အဆိုတော် “အရိုး” ကတောင် စင်္ကာပူက လူနေမှုဘဝ တစေ့တစောင်း ကို “လူလည်အာရှသား” ဆိုတဲ့ သီချင်းလေးနဲ့ ပီပြင်စွာ ဖော်ကျူးပြီး သီဆိုထားပေးပါသေးတယ်။
လူလည်အာရှသားတွေက လေယာဉ်ပေါ်က ဆင်းပြီး Immigration ရှာမတွေ့တာတို့၊ ဘယ်အပေါက်က ထွက်ရမှန်းမသိဘဲ Transit လုပ်တဲ့ လေကြောင်းလိုင်းတွေ ဘက်ရောက်သွားတာတို့၊ သူငယ်ချင်းတွေ လေပေါပြီး MRT ကို Tenah Merah Station မှာ ပြောင်းမစီးဖြစ်ဘဲ Changi Airport နှင့် Tenah Merah ကို ခေါက်တုန့်ခေါက်ပြန် စီးနေရတာတို့………… အဲဒီလိုလေးတွေကိုလည်း လူလည် အာရှသားတွေ ကြုံတွေ့နေရတာလေးတွေ သီချင်းထဲမှာ ထည့်စပ်ဆိုပေးဖို့ ကျန်နေပါသေးတယ်လို့ “ကိုအရိုး” နဲ့ သိရင်ပြောပေးကြပါဗျာ။ ဟဲ….ဟဲ…. ဒီလိုဆိုတော့ ခင်ဗျားကကောလို့ မေးချင်ကြလိမ့်မယ်။ ဟုတ်ကဲ့…… ကျွန်တော်လည်း “လူလည်အာရှသား”ပါ။
