“ဂုဏ်ယူပါတယ်.....လူလည်အာရှသား”

ကျွန်တော့်ဘလောဒ်စာမျက်နှာလေးတွေမှာ အက္ခရာမတင်နိုင်တာ အတော်လေး ကြာပါပြီ။ ကိုယ်တိုင် မရေးတတ်ရင်တောင် အရင်ကဆို ဖတ်လို့ကောင်းတဲ့ သူများပိုဒ်စ့်လေးတွေကို ကူးတင်နေကြပါ။ အခု ဒီအလေ့အထပါ မသိမသာ ဆိတ်သုဉ်းနေပါပြီ။ ကျွန်တော်တို့ရဲ့ ဖြတ်သန်းခဲ့ဖူးတဲ့ အတိတ်ကပုံရိပ်လေးတွေကို ကိုယ်စီဆုပ်ကိုင်ထားတဲ့ ပုံစံခွက်တွေထဲမှာ အဆီအငေါ်မတည့်တဲ့ ဘဝတွေ သွတ်သွင်းရင်း ဆိတ်သုဉ်းလုဆဲဆဲ ဘလောဒ် စာမျက်နှာလေးပေါ်မှာ အမှတ်တရအနေနဲ့ တောင်စဉ်ရေမရ ရေးသားထားခဲ့ချင်ပါတယ်။ Please! ကျေးဇူးပြု၍ ထင်ရာလုပ်ခွင့်ပြုပါ။

စင်္ကာပူနိုင်ငံဟာ ကျွန်တော့်တို့လို “ရွှေ”တွေအတွက် အလုပ်လာရောက်လုပ်ကိုင်ဖို့ လက်လှမ်းမှီတဲ့ နိုင်ငံတစ်နိုင်ငံပါ။ အဆိုတော် “အရိုး” ကတောင် စင်္ကာပူက လူနေမှုဘဝ တစေ့တစောင်း ကို “လူလည်အာရှသား” ဆိုတဲ့ သီချင်းလေးနဲ့ ပီပြင်စွာ ဖော်ကျူးပြီး သီဆိုထားပေးပါသေးတယ်။

လူလည်အာရှသားတွေက လေယာဉ်ပေါ်က ဆင်းပြီး Immigration ရှာမတွေ့တာတို့၊ ဘယ်အပေါက်က ထွက်ရမှန်းမသိဘဲ Transit လုပ်တဲ့ လေကြောင်းလိုင်းတွေ ဘက်ရောက်သွားတာတို့၊ သူငယ်ချင်းတွေ လေပေါပြီး MRT ကို Tenah Merah Station မှာ ပြောင်းမစီးဖြစ်ဘဲ Changi Airport နှင့် Tenah Merah ကို ခေါက်တုန့်ခေါက်ပြန် စီးနေရတာတို့………… အဲဒီလိုလေးတွေကိုလည်း လူလည် အာရှသားတွေ ကြုံတွေ့နေရတာလေးတွေ သီချင်းထဲမှာ ထည့်စပ်ဆိုပေးဖို့ ကျန်နေပါသေးတယ်လို့ “ကိုအရိုး” နဲ့ သိရင်ပြောပေးကြပါဗျာ။ ဟဲ….ဟဲ…. ဒီလိုဆိုတော့ ခင်ဗျားကကောလို့ မေးချင်ကြလိမ့်မယ်။ ဟုတ်ကဲ့…… ကျွန်တော်လည်း “လူလည်အာရှသား”ပါ။

အရည်အချင်း ပြည့်မီသောနေ့ (ကျော်သိင်္ခ)

ကျနော် ငယ်စဉ်က နယ်တွင် နေသည်။ နယ်ဟု ဆိုသော်လည်း ရန်ကုန်နှင့် သိပ်ပြီးတော့ မဝေးလှ။ ကျနော်တို့ မိသားစုလေးက အင်မတန် ပျော်စရာ ကောင်းသော မိသားစုလေး ဖြစ်သည်။ ကျနော်တို့ မိသားစုတွင် အဖေ၊ အမေ နှင့် ကျနော် အပါအ၀င် မွေးချင်း ၁၂ ယောက်၊ ပေါင်း ၁၄ ယောက်ရှိသည်။ အဖေ၏ ညီ၊ ဦးလေး ဆိုလျှင် မွေးချင်း သားသမီးမွေးထားတာချည်း ၁၅ ယောက်ရှိသည်။ မိသားစု ၂ စုခွဲ၍ ဘောလုံး နှစ်သင်းဖွဲ့ပြီး ချိန်းကန်၍ရသည်။
ကျနော် သူငယ်တန်း စတက်ခါစက ... ကျောင်းတွင် ဆရာ၊ ဆရာမ၊ သူငယ်ချင်း ကျောင်းသား မိဘတွေက “ဟဲ့ … ကျော်သိင်္ခ၊ နင့်မှာ မောင်နှမ ဘယ်နှစ်ယောက်ရှိလဲ” ဟု မေးလျှင် ကျနော် အပိုအလို ကြွားပြီးမပြောတတ်ပါ။ မှန်ရာကိုပဲ ဆိုပါသည်။ “ဆယ့်နှစ်ယောက်” ဟု ဆိုလိုက်လျှင် ဆရာ၊ ဆရာမ များက တပြုံးပြုံး၊ သူငယ်ချင်းများက တဟားဟား၊ သူငယ်ချင်း မိဘများက ၀ါးလုံးကွဲ ၀ိုင်းရယ်ကြသည်။ အစ်ကို၊ အစ်မတွေကလည်း တစ်တန်းမှ စ၍ ဆယ်တန်းအထိ အတန်းစုံတွင်ရှိသည်။ ထို့ကြောင့် ကျောင်းတွင်သော်လည်းကောင်း၊
အရပ်ထဲတွင်သော်လည်းကောင်း ကျနော့်ကို သူငယ်ချင်းများက ဖြစ်စေ၊ အိမ်နီးနားချင်း များက ဖြစ်စေ မခံချင်အောင် မစရဲကြပါ။ အစ်ကို၊ အစ်မများ ကြားလျှင်လည်း ၎င်းတို့၏ ညီ၊ မောင် တခုခုဖြစ်သည်ကို ကြားလျှင် ကြား ရာနေရာကနေ ရောက်လာတတ်သည်။ ထိုမျှလောက် သွေးစည်းသည်။

ထို့ပြင် ကျနော့်အား ဘယ်မျှလောက် ချစ်ကြသည် ဆိုသည်ကိုလည်း ပြောပြချင်သေးသည်။ နေ့စဉ်နေ့တိုင်း အဖေ သို့မဟုတ် အမေ သို့မဟုတ် အစ်ကို၊ အစ်မ တယောက်ယောက်၏ လက်စွမ်းပြ ရိုက်နှက်၊ ဒဏ်ပေးတာကို ကျနော်မခံရသည့်နေ့ တနေ့မှမရှိပါ။

တခုတော့ စဉ်းစားစရာ။ ကျနော့်အနေနှင့် ကျနော့်အထက်က အဖေ၊ အမေ၊ အစ်ကို၊ အစ်မ စုစုပေါင်း ၁၃ ယောက် တို့၏ မူဝါဒ တွေ နှင့် ညီညွတ်အောင် မနေတတ်ခဲ့၍လား၊ သို့မဟုတ် သူတို့၏ မူဝါဒများကပင် တင်းကျပ်လွန်းနေ၍လား ကျနော် မသိပါ။ ကျနော် သိသည်ကတော့ ကျနော်သည် လိမ္မာသည်ဟု ကိုယ့်ကိုယ်ကို ကျမ်းကြိမ်ပြီး ဆိုနိုင်သည်။ သို့သော် ကျနော် ဘာ့ကြောင့် နေ့စဉ် အရိုက်ခံနေရသည်ကို ငယ်စဉ်က အဖြေရှာနေမိသည်။ သေချာတာကတော့ သူတို့မကြိုက်သည်ကို လုပ်မိ၍ ဒဏ်ပေးခံရသည်သာ ဖြစ်သည်။ သို့ ဆိုရလျှင် သူတို့ ပြဌာန်းသည့် ဥပဒေများကို ကျနော် ပြောပြပါမည်။

၁။ ရေမကူးရ
၂။ မီးမဆော့ရ (အကြီးလေးဆုံးအပြစ်ဒဏ်)
မှတ်ချက် - ဤအပြစ်ဒဏ်ကို အဖေက ပေးမည်။
၃။ ဟင်း ချေးမများရ။
၎။ ညစ်ညမ်းသော စကားလုံးများ အိမ်သို့ ယူမလာရ။
၅။ သူများ နှင့် ရန်ဖြစ်လာလျှင် သူများကလည်း ခံရ၍ အိမ်ကိုလာမတိုင်စေရ၊ မိမိကိုယ်တိုင်လည်း သူများလုပ်တာ မခံစေရ။
၆။ သူများပိုင်ဆိုင်သည့် ပစ္စည်းကို ပိုင်ရှင်မသိပဲ မယူရ (ဒုတိယအကြီးဆုံးအပြစ်ဒဏ် - ၀ါးခြမ်းပြားဒဏ်)
မှတ်ချက် - ဤ အပြစ်ဒဏ်ကို အမေက ပေးမည်။
၇။ အိမ်က လှမ်းခေါ်၍ မကြားနိုင်သည့်နေရာသို့ မသွားရ (ကျနော် အများဆုံးကျူးလွန်သည့် အပြစ်ဖြစ်သည်)
၈။ အစ်ကို၊ အစ်မများက ကြမ်းတိုက်ထားလျှင် တအိမ်လုံး အနှံ့ လျှောက်မသွားရ။ ခြေထောက်ဆေးပြီး ခြေထောက်ကို ရေခြောက် အောင် သုတ်ပြီးမှ သွားရမည်။ ကြမ်းပြင်တွင် ခြေရာ ဗရဗွ ဖြစ်နေပါက အပြစ်ပေးခံရမည်။

မှတ်ချက် - ထိုအပြစ်ကို ထိုနေ့တွင် ကြမ်းတိုက် တာဝန်ကျသည့် အစ်ကို (သို့မဟုတ်) အစ်မက ပြစ်ဒဏ်ပေးမည်။

စည်းကမ်းချက် ၁ မှ ၆ ကို အဖေ နှင့် အမေတို့ က ပြဌာန်းထားခြင်းဖြစ်ပြီး ကျန်အချက်များကို အစ်ကို နှင့် အစ်မ များက ပြဌာန်းထားခြင်း ဖြစ်သည်။

ကျနော်တို့ အိမ်ရှိ သစ်သား ထမင်းစား စားပွဲဝိုင်းကြီးမှာ မိသားစု အားလုံး ၀င်ဆန့်ရန် လက်သမား ဆရာကို တကူးတက ခေါ်ယူ၍ လုပ်ခိုင်းထားရသည်။ အစ်ကို နံပါတ် ၁၁ နှင့် ကျနော်မှာ မိသားစုအတွင်းတွင် အဖေ၊ အဖေ နှင့် ကျန်သော အစ်ကို အစ်မများ နှင့် ထမင်းတ၀ိုင်းတည်းစားခွင့်ရ ရန် အရည်အချင်း မပြည့်မီ (qualify မဖြစ်) သည့်အတွက်ကြောင့် သူတို့ နှင့် အတူ ထမင်း တ၀ိုင်းတည်း စားခွင့်မရှိပါ။

အားလုံးနှင့် ထမင်း အတူ စားခွင့် ပါမစ်ကို အစ်မ နံပါတ် ၆ က ချပေးခြင်းဖြစ်ပါသည်။ နံပါတ် ၁၀ အစ်မသည်ပင် တ၀ိုင်းတည်း စားခွင့် ရထားတာ သိပ်မကြာသေး။ အဘယ့်ကြောင့်ဆိုသော် နံပါတ် ၁၀ အစ်မက ဟင်းရည်သောက်ပြီး၍ ဟင်းရည်ခွက်ထဲ ဇွန်းပြန်ထည့်လျှင် အသံမြည်အောင် ချသော အကျင့်ရှိသည့်အတွက်ကြောင့် ဖြစ်သည်။ သို့သော် ယခုသူ qualified ဖြစ်သွား၍ အတူစားခွင့်ပါမစ် ရထားတာ သိပ်မကြာသေး။ ပါမစ်ရခါစဆိုတော့ သူ စကားပြော တာကိုက လူကြီးတွေ လေသံမျိုးနှင့်။ စကားပြော နည်းနည်း ကြီးကျယ်လာသည်။ ဒီကြားထဲ အမေက သူ့ကို စကတ်ဝတ်သည့် အဆင့်မှ ထဘီဝတ်သည့်အဆင့်ထိ promotion လုပ်ပေးလိုက်သည်က ပိုဆိုးသည်။ အဆိုးဆုံးက သူ ကျနော်တို့ ညီအစ်ကို နှစ်ယောက် နှင့် အတူ မကစားတော့ခြင်း ဖြစ်သည်။ ကျနော့်မျက်စိထဲ သူ့ကို တယ်ပြီးကြည့်မရတော့ပါ။

နံပါတ် ၁၁ အစ်ကို ကိုတော့ အတူစားခွင့်ပါမစ် ရစေချင်ပါသည်။ အဘယ့်ကြောင့်ဆိုသော် သူက ကစားလျှင် ကျနော့်ကို ညီလေး ဆိုပြီး ညှာသည်။ သူ သွားကစားလျှင်လည်း ခေါ်သည့်အတွက် အစ်ကိုတွေထဲမှာ သူ့ကို အချစ်ဆုံးဖြစ်သည်။ လမ်းထိပ်က ခေါက်မုန့် ရောင်းသော ပါပါသီးက အစ်ကို ၁၁ စကားပြောတာကို “လူကြီးလေးလိုပဲ” ဟု မကြာ ခဏပြောသည့် အတွက်ကြောင့် လည်း သူ့ကို လူကြီးတွေ နှင့်အတူ စားခွင့်ပါမစ် ရစေချင်တာဖြစ်သည်။ သို့သော် သူက လူကြီးတွေနှင့် ထမင်းစားလျှင် လူကြီးတွေပြော တာကိုချည်း နားထောင်၍ ထမင်းကို ပြီးအောင် မစား။ အများပြီး၍ ထမင်းဝိုင်း သိမ်းခါနီးကျမှ အမြန်စားရာ ထမင်း သီးကုန်သည်။ ထို့ကြောင့် အစ်မ ၆ က သူ့အား အတူစားခွင့်ပါမစ် မပေးသေးခြင်းဖြစ်သည်။

ထမင်းစားပြီဆိုလျှင် သူ နှင့် ကျနော် နှစ်ယောက်လုံးအား အမေက ပန်းကန်ထဲမှာ ဟင်းပုံပေးလိုက်သည်။ ညီအစ်ကို နှစ်ယောက် သား ကိုယ့်ပန်းကန်ကိုယ်မပြီး၊ အိမ်ရှေ့က သံဆန်ခါကွက်လေးများ ကာထားသည့်နေရာတွင် သွားစားကြရသည်။ လမ်းက ဖြတ်သွားသည့် တလမ်းတည်းသားများကို လှမ်းနှုတ်ဆက်ကြသည်။ “ထမင်းစားပါဦး” ဟု လှမ်းလှမ်းခေါ်၍ အိမ်နောက်ဖေးမှ အမေက တဟဲ့ဟဲ့ အော်ကာ “ထမင်းပြီးအောင် မစားကြဘူး” ဟု ဆူတော့မှ ထိုကဲ့သို့ လူတွေ့လျှင် လှမ်းလှမ်းခေါ်သည့်အကျင့် ပျောက်သွားသည်။ အိမ်ရှေ့တွင် ပိုက်ဆံကြေး ပစ်နေကြသော ကျောက်ဒိုးဝိုင်းကလည်း ကောင်းနေတော့ ထမင်းလည်းစား၊ ငေးလည်းငေးပေါ့။ နောက်ဖေးမှ လူကြီးများ ထမင်းစားဝိုင်းပြီးသည်အထိ ကျနော်တို့ ညီအစ်ကိုနှစ်ယောက် ထမင်းစား၍ မပြီး။ ထိုအခါ အစ်မ ၆ က ဆူလည်းဆူ၊ ပြောလည်းပြောရင်း ကျန်နေသော ထမင်းများကို ခွံ့ကျွေး၍ ထမင်းစားခြင်းကို လက်စသတ်ပေး လိုက်သည်။

တရက်တွင် တွံတေးမြို့မှ အဖေ၏ ညီ၊ ဦးလေး နှင့် သူ့သားတို့ အိမ်ကို အလည်လာကြသည်။ ကျနော်တို့ ညီအစ်ကို နှစ်ယောက် လည်း ညီအစ်ကို ၀မ်းကွဲနှင့် အတူဆော့ရမည်ဖြစ်သည့်အတွက် ပျော်ကြသည်။ ညီအစ်ကို ၀မ်းကွဲက ကျနော့်အောက် လပိုင်း ငယ်သည်ဟု အမေက ပြောထား၍ သိရသည်။ ကျနော်တို့လည်း ညီအစ်ကို ၀မ်းကွဲနှင့် အတူဆော့ကြသည်။

သို့သော် ညနေ ထမင်းစားကြသောအခါ ဦးလေးက ကျနော်တို့ ညီအစ်ကို နှစ်ယောက်အား “ဟေ့ … ငါ့တူကြီးတွေ၊ မင်းတို့ ညီနဲ့ ထမင်း အတူတူစားလေ၊ တခါတလေမှတွေ့ကြရတာ၊ ရောက်တုန်းရောက်ခိုက် အတူတူ စားကြပေါ့” ဟု ဆိုသဖြင့် ကျနော်နှင့် အစ်ကို ၁၁ တို့ ၀မ်းသာသွားသည်။ လူကြီးများ ထမင်းဝိုင်းတွင် သူတို့ ပြောသည့် စကားများကို နားထောင်ပြီး ထမင်းစားရသည်ကို ပျော်သည်။ သူတို့ပြောသည့်အကြောင်းအရာများကလည်း စိတ်ဝင်စားစရာကောင်းသည်။

ထမင်းမစားမီ တနာရီခန့်အလိုတွင် အစ်မ ၆ က “အေး … မင်းတို့ကို အစ်မ ဒီပွဲမှာ ကြည့်မယ်။ ဒီမှာ ထမင်းစားတာ စံနစ်တကျ စားတတ်သွားရင် နောင်ကို လူကြီးတွေနဲ့ အတူတူ စားရမယ်” ဟု လူကြီးများ ကွယ်ရာမှာ တီးတိုးပြောပါသည်။

အမေကလည်း “ဖိုးကျော် နဲ့ ဖိုးဇော်၊ အမေဒီနေ့ ဧည့်သည်တွေလည်းရှိတော့ ဘဲဥဟင်း၊ ငါးလေးဟင်း နဲ့ ပဲကုလားဟင်းချက်တယ်။ ငါးလေးဟင်း ကိုတော့ ပန်းကန်ထဲမှာ ပုံပေး လိုက်မယ်။ ဘဲဥဟင်း နဲ့ ပဲကုလားဟင်းကိုတော့ ခုံဝိုင်းပေါ်က အလယ်ပန်းကန်ထဲမှာ ထည့်ထားမယ် ဟုတ်ပြီလား။ အမေ မင်းတို့ကို ထည့်မပေးဘူး။ ကိုယ့်ဟာကိုယ် ယူစား။ ဒါပေမယ့် ဘဲဥကို တခြမ်းထက် ပိုမယူရဘူးနော်” ဟု မှာပါသည်။

ကျနော်လည်း လူကြီးတွေနည်းတူ ဘဲဥဟင်း တခြမ်းကို ဟန်ပါပါ လှမ်းနှိုက်လိုက်သည်။ လက်ကတော့ တုန်ချင်ချင်။ တခါမှ သည်လို အခွင့်အရေးမျိုး မရဘူးပါ။ အစ်ကို ၁၁ ပန်းကန်ထဲကိုကြည့်လိုက်တော့ သူက ဒီတခါ လက်မြန်သည်။ ဘယ်အချိန် ကတည်းက ဘဲဥတခြမ်း သူ့ပန်းကန်ထဲကို ရောက်နေသည်မသိ။ ညီအစ်ကို ၀မ်းကွဲကလည်း စားလိုက်တာမှ နောက်တပန်းကန်ပင် ထပ်ယူသည်။ ကျနော်က တပန်းကန်တောင် စားမကုန်သေး။ ထမင်းမဖိတ်အောင်လည်း ထိန်းပြီးစားနေရသေးသည်။

ထိုအခိုက် ညီဝမ်းကွဲက ဘဲဥကို နောက်တခြမ်း ထပ်နှိုက်ရန် ဟင်းဇွန်းကို လှမ်းကိုင်လိုက်စဉ်၊ ကျနော်လည်း အလန့်တကြား ဖြစ်ကာ “အမေ … ဧည့်သည်ရော တခြမ်းပဲလားဟင်” ဟု အမေ့မျက်နှာကို ကြည့်ပြီးမေးလိုက်သည်။ ထိုအခါ ညီအစ်ကို ၀မ်းကွဲလည်း ကိုင်မိပြီးသားဖြစ်သော ဇွန်းကို လန့်၍ လွှတ်ချလိုက်ရာ ဘဲဥတခြမ်းရော၊ ဇွန်းပါ ပြုတ်ကျသွားတော့သည်။

ကျနော် ပြောခွင့်ရှိပါသည်။ တော်ကြာ သူက နောက်တခြမ်းစားလိုက်လျှင် အစ်မ ၁ နှင့် အစ်ကို ၃ တို့လည်း ထမင်း မစားရ သေးသည့်အတွက် သူတို့အတွက် ကျန်တော့မည်မဟုတ်ဟု တွေးထားသောကြောင့်ဖြစ်သည်။ ထို့သို့ပြောခြင်းသည် ကိုယ့်အစ်ကို၊ အစ်မများအတွက် ထည့်စဉ်း စားရာရောက်သည်။ သူတို့ကို ချစ်ရာရောက်သည်။ အစ်မ ၆ မျက်နှာကို လှမ်းကြည့်လိုက်တော့ သူက တည်တည်ငြိမ်ငြိမ်ပင်။ သူ့ စိတ်ထဲတွင် “သြော် … ငါ့မောင်လေး၊ ကျန်တဲ့ အစ်ကို၊ အစ်မတွေအတွက် မကျန်မှာစိုးလို့ ပြောလိုက်တာ နေမှာ” ဟုလည်း တွေးကောင်း၊ တွေးနေလိမ့်မည်။ ထို့ကြောင့် ကျနော့်စိတ်ထဲတွင်တော့ သည်တချက်တည်းနှင့်ပင် qualified ဖြစ်သွားပြီဟု အပိုင် တွက်ထားလိုက်သည်။

သို့သော် အခြေအနေက ကျနော်ထင်သည့်အတိုင်း ဖြစ်မလာခဲ့ပါ။ ထမင်းဝိုင်းပြီးဆုံး၍ နောက်ထပ် ၂ နာရီခန့်ကြာသောအခါ အမေက ကျနော့်ကို မီးဖိုဆောင်ထဲတွင် ဧည့်သည်အပေါ် အလိုက်မသိတတ်ဟူသော ပြစ်ချက်ဖြင့် ၀ါးခြမ်းပြားစာ ကျွေးပါတော့ သည်။ ဤနေရာတွင် ကျနော် ရလိုက်သည့် သင်္ခန်းစာက ကိုယ့်အိမ်က လူထက်စာလျှင် ဧည့်သည်ကို ဦးစားပေးရမည်ဟူသော သင်္ခန်းစာပင်ဖြစ်သည်။ ကျနော် ဧည့်သည်အပေါ်ကို အလိုက်မသိတတ်ခဲ့ပါ။ ထိုနေ့က ထမင်းဝိုင်းတွင် ကျသော စာမေးပွဲက ကျောင်းကစစ်ဆေးသော စာမေးပွဲ ကျတာထက် ကျနော့်စိတ်ကို ပို၍ ထိခိုက်စေပါသည်။

ကျနော့်တွင် ညီအစ်ကို မောင်နှမ များသော်လည်း အစ်ကို၊ အစ်မများနှင့် သိုင်းသိုင်းဝန်းဝန်း ထမင်းအတူမစားရ၍ အထီးကျန် ဖြစ်ရသည်။ အမေရိုက်တုန်းက အစ်ကို၊ အစ်မ တယောက်ယောက်က “အမေရယ် … တော်ပါတော့၊ မောင်လေး၊ ညီလေးကို မရိုက်ပါနဲ့” ဟူ၍ ၀ိုင်း မဆွဲကြတာကို ကျနော်တော်တော် စိတ်မကောင်းဖြစ်မိသည်။

ကျနော်နှင့် အစ်ကို ၁၁ မှာ အိပ်ချိန်မှသာ အမေ့ကို ဖက်ပြီး အိပ်ခွင့်ရကြသည်။ ကျနော့်အဖြစ်ကို ကျနော် တော်တော် ၀မ်းနည်း သွားသည်။ ပြီးတော့ ကျောင်းပိတ်ရက်၊ နေ့လယ်ခင်း ထမင်းစားပြီးချိန်များတွင် အမေက ကျနော်တို့ကို သူနှင့်အတူ နောက်ဖေး အဖီလေးမှာ အတူအိပ်ခိုင်းသည်။ နေ့လယ်ခင်း လျှောက်မဆော့ဘဲ သူနှင့် အတူအိပ်လျှင် ညနေ နိုးလာပါက တယောက်ကို မုန့်ဖိုး ၅ ပြားစီရသည်။ ထို ငါးပြားစေ့ ကိုယ်စီ ကိုင်ကာ ကျနော်တို့ ညီအစ်ကိုနှစ်ယောက် လမ်းထဲက ဈေးဆိုင်တွင် ပဲဆုပ် တလုံးစီ သွားဝယ်စားကြသည်။ ဒါကို အဖေသိလျှင် ကျောင်းပိတ်ရက်တွင် ကလေးများအား မုန့်ဖိုးပေးရမလား ဟူ၍ အမေ့ကို ဆူသည်။ မုန့်ဖိုးရမှ အိပ်တတ်သည့် ကျနော်တို့ ညီအစ်ကို နှစ်ယောက်ကိုလည်း အဖေက ဆူသည်။ ကျနော် စိတ်မကောင်းပါ။ ကလေးလည်း ဖြစ်၊ အငယ်ဆုံးလည်းဖြစ်သည့်အတွက်ကြောင့် ၀မ်းနည်းမိသည်။

တရက်တွင် အဖေ့ရှေ့၌ ဟင်းချေးများမိသဖြင့် အဖေရိုက်တာကို ခံရသည်။ အဖေက တော်ရုံတန်ရုံ သားသမီးများကို မရိုက်ပါ။ သူရိုက်သည့်အတွက် ကျနော် စိတ်မကောင်းဖြစ်ပြီး ကိုယ့်ကိုကိုယ် သေကြောင်းကြံမိသည်။ အိမ်အနီးအနားတွင် သောက်ရေကန် တကန်ရှိသည်။ ရေကန်ထဲ ခုန်ချပြီးသေမည်။ ထိုအကြောင်းကိုတော့ အစ်ကို ၁၁ က်ို ပြောပြ၍ မဖြစ်။ သူကလည်း သဘောတူ မည်မဟုတ်။ သို့နှင့် ခေါင်းရင်းအိမ်က ကျနော် နှင့် ကစားဖော်လည်းဖြစ်၊ ခင်လည်း ခင်ကြသည့် အေးနိုင်ကို ပြောပြသည်။ သူကလည်း တားပါသည်။ ကျနော် အိမ်နှင့်ပက်သက်ပြီး စိတ်လည်းညစ်၊ ၀မ်းလည်းနည်းသည့်အတွက်ကြောင့် သေချင်သည်။

ထို့ကြောင့် တခုသောညနေ ထမင်းစားပြီးချိန်၊ မှောင်ချည်သန်းချိန်လောက်တွင် အနွေးအင်္ကျီကို ကြွပ်ကြွပ်အိပ် နှင့် ထုပ်သည်။ ကန်ဘောင်ဆိုတော့ လေကလည်းတိုက်၊ ရေကလည်း အေးသည် မဟုတ်လား။ ကျနော် အမြဲဝတ်နေကျ အနွေးထည်လေးကို ၀တ်ပြီးမှ ခုန်ချမည်။ ကျနော်တို့ လမ်းထဲတွင် စိတ်ညစ်၍ ရေကန်ထဲ ခုန်ချသေသွားသည့် လူသေအလောင်းများ ကို မြင်ဖူးသည်။ အလောင်းကောင်တွေက ပုပ်ပြီးပေါ်လာသည့်အခါ အင်္ကျီများက စုတ်ပြဲလျှက်၊ သားသားနားနားမရှိ။ ကိုယ့်ကျလျှင် ထိုကဲ့သို့ အဖြစ်မခံနိုင်။ သေလျှင်တောင် ကိုယ်ဝတ်နေကျ အနွေးထည်လေးကို ၀တ်လျှက်နှင့်သေမည်။

ထိုနေ့ညနေက ကျနော် ထမင်းကို အမြန်ပြီးအောင်စားသည်။ အစ်ကို ၁၁ မပြီးသေးခင် ကျနော်ပြီးသည်။ သူ နောက်ဖေးတွင် ရေသွားသောက်သည့် အလစ်ကို ချောင်းသည်။ သူ နောက်ဖေးကို ထွက်သွားတော့ ကျနော်လည်း အသင့်ထုပ်ထားသော အနွေးထည်ကို ယူသည်။ ရေကန်သို့ ရောက်ရန် ငါးမိနစ်ခန့်ပြေးရသည်။ ကန်ဘောင်သို့ ရောက်သောအခါ ကျနော် အနည်းငယ် စဉ်းစားမိသည်။ အဖေ့မျက်နှာ၊ အမေ့မျက် နှာ၊ အစ်ကိုအစ်မတွေမျက်နှာများကို မျက်စိထဲတွင် ပြန်မြင်ယောင်လာသည်။
ကျနော်ဝမ်းနည်းလာ၍ ငိုချလိုက်သည်။ ပြီးတော့ ရေကန်ထဲက သစ်သားတံတားလေးပေါ်မှာ အနွေးထည်ဝတ်လိုက်သည်။ ထို့နောက် မျက်စိစုံမှိတ်၍ ခုန်ချလိုက်သည်။

ကျနော် အရမ်းခံစားလိုက်ရသည်။ ကျနော် သေသွားပြီလားဟု မျက်စိကို ဖွင့်ကြည့်လိုက်သည်။ ယခုကဲ့သို့ နွေရာသီအချိန်၊ သင်္ကြန်လည်း နီးနေပြီဖြစ်သည့်အတွက်ကြောင့် ကန်ရေက ကျနော့် ဒူးခေါင်းလောက်သာ မြုပ်တော့သည်။ ထို့ကြောင့် ကျနော် ရေနစ်မသေခဲ့ပါ။ ထိုအချိန်တွင် ကန်ဘောင်ပေါ်၌ အမေ နှင့် အစ်ကို၊ အစ်မများက စိုးရိမ်တကြီးကြည့်နေသည်ကို တွေ့ရသည်။ အစ်ကို ၇ က ကန်ထဲဆင်း၍ ကျနော့်လက်ကို ဆွဲခေါ်သည်။ အမေက ငိုသံပါကြီး နှင့် ဘာတွေပြောနေမှန်းမသိ။ နောက်မှာတော့ အေးနိုင်ပါလာသည် ကိုလည်း တွေ့ရသည်။ ဒီကောင်သွားပြောလိုက်တာပဲ ဖြစ်မှာ။

အိမ်ရောက်တော့ အဖေက အစ်ကို၊ အစ်မတွေကို ဆူသည်။ အမေ့ကိုလည်း ဆူသည်။ ကျနော်လည်း ၀မ်းနည်းလွန်းသည့် အတွက်ကြောင့် ရှိုက်ကြီးတငင် ငိုချပစ်လိုက်သည်။ အစ်မ ၆ က ကျနော့်ကိုဖက်ပြီး “မောင်လေးရယ် … အစ်မတို့ မင်းကို စိတ်နာအောင် လုပ်လိုက်မိလို့လားဟင်” ဟုပြောပြီး ငိုသည်။ အားလုံး၏ မျက်နှာမှာ ကျနော်နှင့် ပက်သက်၍ ၀မ်းနည်းသည့် ပုံရိပ်တွေ အထင်းသား တွေ့ရသည်။ အစ်ကို ၁၁ ကလည်း ငိုမဲ့မဲ့မျက်နှာဖြင့် “မင်းသေသွားရင် ငါ ဘယ်သူနဲ့ ဆော့ရတော့မှာလဲ” ဟု မေးသည်။ ကျနော် လည်း ဘာမှ ပြန်မဖြေပါ။ ကျနော့်ကြောင့် တအိမ်သားလုံး စိတ်ဆင်းရဲရသည့် အတွက် စိတ်မကောင်း ဖြစ်မိသည်။

အဖေက ကျနော့်ကို “သား … အဖေ့ဆီကို လာဦး” ဟု ဆိုသဖြင့်၊ ကျနော် အစ်မ ၆ ရင်ခွင်ထဲမှ ထကာ အဖေ့ဆီကိုသွားသည်။ သာမန် အခြေအနေဆိုလျှင် ကျနော် အဖေ့နားသို့ မကပ်ရဲပါ။ သူက သားသမီးတွေရှေ့မှာ အရယ်အပြုံးနည်းသည်။ စကား ပြောလျှင်လည်း ခပ်တည်တည်ပြောတတ်သဖြင့် ကျနော်တို့ အားလုံး အဖေ့ကိုတော့ ကြောက်ကြသည်။

ယခု အဖေခေါ်သည့် အခါတွင်တော့ သူ့အသံမှာ ၀မ်းနည်းရိပ်တွေ လွှမ်းနေသည်ကို ကလေးပင်ဖြစ်သော်လည်း ကျနော် သတိပြုမိသည်။ အဖေ့ဆီကိုရောက်တော့ အဖေက ကျနော့်ကို သိုင်းဖက်ထားလိုက်သည်။ အဖေက “သား … ဘာဖြစ်ချင်လဲ အဖေ့ကိုပြောစမ်း” ဟု မေးသည်။ ကျနော် အဖြစ် ချင်ဆုံး၊ အတောင့်တဆုံးကို ကျနော်ပြောလိုက်ပါသည်။

“သား....ကိုကြီး၊ မကြီးတို့ နဲ့ ထမင်း အတူတူစားချင်တယ်”

ထိုအခါ အဖေက “သား … နောက်ပြီး ဘာလိုချင်သေးလဲ၊ အဖေ့ကိုပြော” ဟုဆိုတော့ ကျနော် နှုတ်ဆိတ်နေလိုက်သည်။ ကျနော်ဘာမှ မလိုချင်ပါ။ ကျနော် အလိုချင်ဆုံးသော အရာက မိသားစု စုံစုံလင်လင်နှင့် ထမင်းဝိုင်းတွင် တယောက်မျက်နှာ တယောက်ကြည့်ပြီး လက်ဆုံစားခွင့် ရရေးပင်ဖြစ်ပါသည်။

အဖေက အစ်မ ၆ အား “ကဲ … အညို၊ ဖိုးကျော် နဲ့ ဖိုးဇော်ကို မနှစ်က ကျောင်းသွားရင် မုန့်ဖိုး ဘယ်လောက်ပေးလဲ” ဟုမေးသည်။ အစ်မ ၆ က “၃၅ ပြားပါ … အဖေ” ဆိုတော့ အဖေက “အေး … ဒီတခါ ကျောင်းဖွင့်ရင် သူတို့ကို ၁၀ ပြားစီ တိုးပေးလိုက်၊ ဟုတ်ပြီ လား” ဟုပြောသည်။ ကျနော်ဝမ်းသာသွားပါသည်။ ဒီတခါ ကျောင်းဖွင့်လျှင် မုန့်ဖိုး ၄၅ ပြားရတော့မည်မို့ ကျောင်းမြန်မြန်ဖွင့်ပါစေ ဟုသာ ဆုတောင်းနေမိသည်။

အဖေက ကျနော့်ကို “သား … နောက်တခါ အဲဒီလို မလုပ်ရဘူးနော်။ ကိုယ်လိုချင်တာရှိရင် အဖေ၊ အမေရှိတယ်။ အစ်ကို၊ အစ်မတွေ ရှိတယ်။ အားလုံးကိုပြောပြ။ အခုတော့ လူကြီးတွေ အားလုံး စိတ်ဆင်းရဲရပြီ။ ကိုယ့်ကြောင့် သူများ စိတ်ဆင်းရဲ ရတယ်ဆိုရင် မကောင်းဘူး။ ကြားလား” ဟုပြောသည်။ ကျနော် "ဟုတ်ကဲ့” ဟုသာ တခွန်းပြောပြီး ကိုယ်က မှားသည်မို့ နှုတ်ဆိတ်နေလိုက်သည်။

နောက်နေ့များတွင် အစ်မ ၆ က ထမင်းဝိုင်းလေး တခုဖွဲ့၍ ကျနော်၊ အစ်ကို ၁၁ တို့နှင့်အတူ စားသည်။ စားရင်းက ထမင်းစားလျှင် လက်အလယ်ဆစ်နှင့်အထက် ထမင်းလုံးမတက်ရ၊ ဟင်းရည်သောက်လျှင် တရှုးရှုးမမြည်ရ၊ ဇွန်းကို အသံမမြည်အောင် ညင်သာစွာ ချရမည်။ ထမင်းလုံး မဖိတ်စေရ စသည်ဖြင့် ထမင်းလည်းစားရင်း၊ စကားလည်းပြောရင်း စိတ်ရှည်လက်ရှည် သင်ပေးပါသည်။

တရက်၊ နှစ်ရက်ကြာသွားသော် ညီအစ်ကို နှစ်ယောက်စလုံး ထမင်းစားတတ်သွားသည်။ ထိုအချိန်မှစ၍ ကျနော်တို့အိမ်ရှိ ထမင်းဝိုင်းကြီးမှာ အဖေ၊ အမေ အပါအ၀င် မိသားစု ၁၄ ယောက်ဖြင့် မိသားစု ထမင်းဝိုင်းကြီး ဖြစ်သွားပါတော့သည်။

ထိုနေ့သည် ကျနော်နှင့် အစ်ကို ၁၁ တို့ နှစ်ယောက်လုံး qualified ဖြစ်သော နေ့ဟု ဆိုရမည်။ ထို့ပြင် ကျနော်၏ ကလေးဘ၀ နေ့ရက်များတွင် အပျော်ဆုံးနေ့များထဲက တနေ့ဟုလည်း ဆိုချင်ပါသေးသည်။

တုတ်တစ်ချောင်း၏ အတ္ထုပတ္တိ

ဖြစ်ရပ် (၁)
ကလေးငယ်သည် လွယ်အိတ်ကို ဝှေ့ရမ်းလျက် အိမ်ရှိရာသို့ အပြေးလာနေ၏။ လမ်းတွင် တွေ့သမျှ ရေအိုင်ငယ်၊ ရွှံ့ကွက်ငယ်တို့ကို လွှားခနဲ လွှားခနဲ ခုန်ကျော်၍ လာသည်။ သူ့မျက်နှာမှာ အပျော်ဖြင့် ၀င်းပနေ၏။ အိမ်သို့ မြန်မြန် သူပြန်ရောက်ချင်လှပြီ။ သူ့အောင်မြင်မှုကို မိဘနှစ်ပါးအား ပြောပြချင်လှပြီ။ အားရ၀မ်းသာ ဖြစ်သွားကြမည့် မိဘတို့၏ ပီတိမျက်နှာကို မြင်ချင်လှပြီ။ “ဒါမှ င့ါသား ... ကွ” ဟူသော အဖေ၏ ချီးမွမ်းသံကို ကြားချင်လှပြီ။ ပြုံးရယ်လျက်ရှိသော အမေ၏ အနမ်းနွေးနွေးကို ခံယူချင်လှပြီ။ ကလေးငယ်သည် ခြေလှမ်းများကို အရှိန်ပိုမြှင့်လိုက်၏။

ရှေ့မှာ အိမ်ကို မြင်နေရပြီ။

အိမ်ရှေ့တွင် စိုက်ပျိုးထားသည့် တစ်ပေခွဲခန့် မြင့်သော ပုဏ္ဏရိပ်ပင်တန်းကို သူ ခုန်ကျော်လိုက်၏။ ခါတိုင်း ဘယ်လိုမှ မလွတ်ဘဲ သစ်ခက်သစ်ညွှန့်တို့ကို ခြေဖျားဖြင့် ခတ်မိမြဲ ဖြစ်သော်လည်း သည်နေ့အဖို့ လုံးဝ လွတ်လွတ်ကျွတ်ကျွတ် ဖြစ်သွားသည့်အခါ သူ အံ့သြသွားလေသည်။ သို့ရာတွင် ကြာကြာ မအံ့သြနိုင်ဘဲ အိမ်ပေါ်သို့ တဒုန်းဒုန်း ပြေးတက်သွားခဲ့သည်။ ပါးစပ်ကလည်း “အဖေရေ ... အမေရေ” ဟု အော်ခေါ်လာခဲ့၏။
အဖေသည် ဧည့်ခန်းထဲက ပက်လက်ကုလားထိုင်မှာ ထိုင်နေသည်။ ဆူညံစွာ ပြေးတက်လာသည့် သားဖြစ်သူကို မျက်မှောင်ကုတ်၍ ကြည့်နေ၏။ ကလေးငယ်သည် ဖခင်ကို မြင်သောအခါ အပြေးကလေး ချဉ်းကပ်သွားလေသည်။

“အဖေ ... ကျွန်တော် စာမေးပွဲအောင်တယ်ဗျ သိလား”

“ဟင် ဟုတ်လား၊ တယ်တော်ပါလား၊ လာစမ်းပါဦးကွ”

အနီးသို့ရောက်သည်နှင့် အဖေ၏ လက်တစ်ဖက် မြောက်တက်သွားသည်ကို ရိပ်ခနဲ မြင်လိုက်ရ၏။ မရှေးမနှောင်းပင် ဖြန်းခနဲ အသံနှင့်အတူ သူ့နားရင်းမှာ ပူခနဲ ခံစားလိုက်ရပြီး မျက်စိထဲမှာ ၀င်းခနဲ ဖြစ်သွား၏။ ကလေးငယ်၏ ဦးခေါင်းသည် ရှေ့သို့ စိုက်ခနဲ ကျသွားလေသည်။

မယုံနိုင်စွာ၊ ထို့နောက် ထိတ်လန့်စွာ မော့ကြည့်မိသောအခါ အဖေ၏ အနီရောင်မျက်နှာကို မြင်လိုက်ရသည်။

“အောင်ရုံနဲ့ ဘာလုပ်ရမှာလဲ”

ကလေးငယ်သည် ပါးစပ်အဟောင်းသား၊ မျက်လုံးအပြူးသားနှင့် မော့ကြည့်နေ၏။ နှုတ်ခမ်းများ တုန်လှုပ်စပြုလာသည်။

“ဟေ့ကောင် ငါမေးနေတယ်လေ၊ အောင်ရုံနဲ့ မင်းဘာလုပ်မှာလဲ”

ကလေးဆီမှ ဖြေသံအစား ရှိုက်သံတစ်ချက် ထွက်လာ၏။ အဖေသည် ဘီရိုပေါ်မှ ကြိမ်လုံးကို ဆွဲယူလိုက်သည်။

“မေးမနေပါနဲ့ရှင်၊ ဒီလောက် အဆော့မက်နေမှတော့ ထိပ်ဆင့် ဘယ်ချိတ်ပါ့မလဲ၊ ပြောစမ်း ... ပထမက ဘယ်သူရသလဲ၊ မေမီစိုး မဟုတ်လား”

အိမ်ခန်းထဲမှ ထွက်လာသော မိခင်ဖြစ်သူ၏ အသံဖြစ်သည်။ မျက်ရည်ပေါက်ပေါက် ကျနေပြီဖြစ်သော ကလေးငယ်က ခေါင်းညိတ်လိုက်သည့်အခါ အမေက တစ်ချက်မဲ့လိုက်၏။

“ဟင်း ... သူ့အမေနဲ့ ဈေးထဲတွေ့ရင် တမင် စကားစပ်ပြီး ကြွားဦးမှာ၊ သူများကြွားတာ ခံရဦးမယ်။ တောက် ...”

“ကိုင်း ... လာခဲ့စမ်း၊ ဟိုဘက်လှည့်”

တင်ပါးပေါ်သို့ ကျရောက်လာတော့မည့် ကြိမ်လုံးကို အသက်အောင့် ငံ့လင့်နေသည့် ကလေးငယ်၏ မျက်လုံးများမှာ အရောင်မဲ့ မျက်လုံးသေများ ဖြစ်နေလေသည်။


မေးခွန်း - ကလေးမှာ မိမိကိုယ်ကို ယုံကြည်စိတ်၊ မိမိကိုယ်ကို တန်ဖိုးထားစိတ် နည်းပါးသွားပြီး ညံ့သည်ထက် ညံ့လာလျှင် ကလေးကြောင့်ပါလား ... မိဘကြောင့်ပါလား။

>> ဖြစ်ရပ် (၂)
“ဗြန်း ... ဗြန်း”

စားပွဲပေါ် ကြိမ်လုံးကျသံကြောင့် သူငယ်တန်း (ခ) ရုတ်ချည်း ငြိမ်ဆိတ်သွား၏။ ငါးနှစ်အရွယ် ကလေးငယ်တို့သည် မျက်လုံးကလေးများ ၀ိုင်းကာ ဆရာမကို ကြည့်နေကြ၏။

“ဆူလှချည်လား၊ ပါးစပ်တွေ ပိတ်၊ စာအုပ်တွေ ဖွင့်၊ ဒါ အိမ်မဟုတ်ဘူး။ ကျောင်း ... ကျောင်း”

မျက်နှာတင်း၍ လေသံမာသော ဆရာမသည် ကြိမ်လုံးကို စားပွဲပေါ်သို့ အသံမြည်အောင် ပစ်တင်လိုက်သည်။

“ကဲ အားလုံး 'ဏ' ကြီး တစ်မျက်နှာ ရေးကြရမယ်။ အခုအချိန်အတွင်း ပြီးအောင် ရေးရမှာနော်။ နောက်ထပ် တစ်မျက်နှာကို အိမ်စာ လုပ်ခဲ့ကြရမယ်။ ကြားကြလား၊ ကိုင်း ... ရေးကြတော့”

>> တစ်တန်းလုံး တိတ်ဆိတ်လျက် ရှိသည်။ စာအုပ်တွေ ရှေ့မှာထားကာ ခုံတွေပေါ်မှာ ကလေးငယ်များ ငြိမ်ငြိမ်လေးတွေ ထိုင်နေကြသည်။ လက်ကလေးတွေက လွဲ၍ သူတို့ မလှုပ်ရှားနိုင်ကြ။ မလှုပ်ရှားဝံ့ကြ။
ဒုတိယခုံတန်း အစွန်းမှ မေမီစိုးသည် သူနှင့် ဘေးချင်းယှဉ်လျက် တစ်ဖက်ခုံစွန်းမှ စည်သူအောင် 'ဏ' ကြီး အရေးမှားနေကြောင်း၊ တွေ့လိုက်ရ၏။ သူက စည်သူအောင်ကို တိုးတိုးလေး ခေါ်လိုက်သည်။

“စည်သူအောင် စည်သူအောင် နင်ရေးတာ မှားနေတယ်။ ကကြီး ဖြစ်နေတယ်”

စည်သူအောင်က တစ်ချက်လှည့်ကြည့်၏။ သူ့မျက်နှာမှာ စိတ်ရှုပ်ထွေးနေပုံ ရသည်။

“ဟောဒီမှာ ဏကြီးက ဒီလိုရေးရတာ”

မေမီစိုးက သူ့စာအုပ် ထောင်ပြလိုက်သည်။

“မေမီစိုး”

ဆရာမ၏ အသံက မိုးချုန်းသလို မြည်ဟည်းသွား၏။ မေမီစိုး၏ လက်ထဲက စာအုပ် လွတ်ကျသွားလေသည်။

“ဘာဖြစ်လို့ စကားပြောရတာလဲ၊ အခုချက်ချင်း၊ ခုံပေါ်မှာ ဒူးထောက်စမ်း၊ ဒူးထောက်ပြီး ရေး၊ နောက်တစ်ခါ လှုပ်ဝံ့ လှုပ်ကြည့်စမ်း၊ ကြိမ်လုံးစာ မိသွားမယ်”

မေမီစိုးသည် ခုံပေါ်တွင် ဒူးထောက်လိုက်ရ၏။ သူ့တစ်ကိုယ်လုံး တုန်နေသည်။ ဒူးနှစ်ဖက်၏ အောက်မှာ ဇီးစေ့လား ကျောက်ခဲငယ်လေးလား မသိ၊ ဖိမိလျက်သား ဖြစ်နေသည်။ သို့သော် သူနေရာ မရွှေ့ရဲ၊ မလှုပ်ရဲ၊ သည်အတိုင်း ပေ၍ စာရေးရ၏။ ကြာသော် ဖိမိထားသည့် နေရာက တစ်စတစ်စ နာကျင်၍လာသည်။ နဖူးမှာ ချွေးတွေ စို့လာ၏။ အတန်းထဲမှာ သူတစ်ယောက်တည်း ဒူးထောက်နေရသည့်အဖြစ်။ ဒူးအောက်က ပြင်းထန်လာသည့် ဝေဒနာ၊ အရှက်နှင့် နာကျင်မှု။ နာကျင်မှုနှင့် အရှက်။ အရှက်၊ နာကျင်မှု၊ အကြောက်၊ အကြောက်၊ အကြောက်။
သည်းမခံနိုင်တော့သည်၏ အဆုံး၌ မေမီစိုး ငိုချလိုက်လေသည်။

“အောင်မယ် ဒူးထောက်ခိုင်းတာလေးကို ငိုတယ်ပေါ့။ အတော် အငိုဝါသနာပါတယ်နဲ့ တူတယ်၊ ထွက်ခဲ့စမ်း ရှေ့ကို”
ကြိမ်လုံးသံ ဗြန်းခနဲအောက်၌ သူငယ်တန်း (ခ) သည် တုန်လှုပ်သွားလေသည်။


မေးခွန်း - အနာဂတ်တွင် ကြီးပြင်းလာမည့် ကလေးအတွက် ငြိမ်ဝပ်စွာ နားထောင်ခြင်းသည် တန်ဖိုးဖြစ်ပါသလား။ မိတ်ဆွေ၊ သူငယ်ချင်းများအား ရိုင်းပင်းကူညီစိတ်ကို ပျိုးထောင် မပေးသင့်ဘူးလား။

ဖြစ်ရပ် (၃)


“ကဲဟယ်”

ဒေါက်ခနဲ ခေါင်းခေါက်ခံလိုက်ရသော ကလေးသည် မျက်ရည်လည်လာ၏။ မိခင်၏ အားမလို အားမရ ဖြစ်မှု၊ စိတ်မရှည်မှုတို့သည် ဒေါသအဖြစ် ပြောင်းသွားခဲ့ပြီ ဖြစ်သည်။

>> “ဒီလောက်လေးမှ မတွက်တတ်ဘူးလား ... ဟင်။ ထောင်စမ်း၊ ညာဘက်လက်က လက်လေးချောင်းထောင်၊ ဘယ်ဘက်က လက်သုံးချောင်းထောင်၊ ဟာ ... လေးချောင်း ထောင်ပါဆို၊ မထောင်တတ်ဘူးလား။ လေးချောင်း၊ လေးချောင်း၊ ဟောဒီလို လေးချောင်း”

ကလေးမှာ အယောင်ယောင် အမှားမှား ဖြစ်နေရှာ၏။ သုံးကြိမ် အခေါက်ခံရပြီးမှ လက်လေးချောင်း ထောင်ဖြစ်သွားသည်။

“ဟုတ်ပြီ ကဲ ... ပေါင်းတော့၊ လေးနဲ့ သုံးပေါင်း၊ ဟဲ့ ပေါင်းလေ၊ ဘာကြောင်ကြည့်နေတာလဲ”

“တစ် ... နှစ် ... သုံး ... ငါး ... ခြောက်”

“ ဘာ သုံး ပြီးရင် ဘာလဲ။ ဟဲ့ ... သုံး ပြီးတော့ ဘာ ... လဲ ... ဟား တစ်နှစ်သုံးလေးတောင် မရေတတ်တော့ဘူးလားဟင်။ အဖျင်း၊ အ.အ၊ အတုံး၊ နင် တော်တော်ညံ့ပါလား။ ဟိုဘက်အိမ်က မိနွယ်တို့ဆို အပေါင်းအနှုတ်တောင် ဂျောင်းဂျောင်းပြေးနေပြီ။ နင်ကတော့ ဆော့ဖို့ပဲ သိတဲ့ကောင်။ သွား ... လက်ပိုက်ပြီး တစ်နာရီတိတိ ရပ်နေ၊ သွား ... ငါမဖြုတ်ခိုင်းသေးဘဲ လက်ဖြုတ်မယ် မကြံနဲ့ တိုင်မှာ ကြိုးနဲ့ တုပ်ထားမယ်။ သုံးနဲ့လေး မပေါင်းတတ်မချင်း ဆော့ရလိမ့်မယ် မထင်နဲ့”

ဂဏန်းမပေါင်းတတ်သဖြင့် အခန်းထောင့်မှာ တွေဝေစွာ လက်ပိုက်၍ ရပ်နေရသော ကလေးငယ်သည် လေးနှစ်အရွယ် ဖြစ်ပါသည်။


>> မေးခွန်း - မိခင်သည် စာတတ်သည်ဟု သူ့ကိုယ်သူ ပြောလျှင် သင် လက်ခံပါမည်လား။

“သားသမီးကို ချစ်ရင် အိပ်ပျော်နေမှ နမ်းပါ” တဲ့။

ဘယ်သောကာလတုန်းက စတင် ပေါ်ပေါက်ခဲ့တဲ့ အဆိုအမိန့်လည်း မသိပါဘူး။ ကြည့်ရတာ ကျွန်တော်တို့ရဲ့ ရှေးဟောင်း လူ့အဖွဲ့အစည်းအပေါ် သြဇာကြီးခဲ့ပုံ ပေါ်တဲ့ ရှေးမြန်မာကြီး တစ်ယောက်ယောက်ရဲ့ အယူအဆ ဖြစ်မှာပါပဲ။ ဒီစကားကို ကျွန်တော် ငယ်ငယ်တုန်းက အဘိုးအဘွားတွေ ပြောကြဆိုကြတာ ကြားခဲ့ရဖူးပါတယ်။ တော်တော် ကြောက်စရာကောင်းတဲ့ သဘောထားပါ။ ကလေးတွေဟာ သူတို့ကို မိဘတွေက ချစ်မှန်းသိရင် ကဲတတ်တယ်၊ ရောင့်တတ်တယ်၊ ဆိုဆုံးမဖို့ မလွယ်တော့ဘူး။ ကြာရင် ပျက်စီးသွားမှာပဲလို့ ထင်ခဲ့ကြတာကိုး။ ဒါကြောင့်လည်း ကလေးဆိုတာ နှိမ်ထားမှ၊ ကြောက်အောင်လုပ်ထားမှ တန်ကာကျမယ်၊ နို့မဟုတ်ရင် “ငယ်သော်ကား သား၊ ကြီးသော် ကျားတည့်၊ ငယ်သော် သမီး၊ ကြီးသော် မီးတည့်” ဖြစ်သွားလိမ့်မယ်လို့ ယူဆလိုက်ကြတာပေါ့။ အဲဒီ ရှေးဟောင်း အယူဟာ အခုအချိန်အထိ အရှိန်မကုန်သေးပါဘူး။

“အိမ်က သားက သုံးနှစ်ရှိပြီ။ သိပ်ဆိုးတာပဲ၊ အဖေလည်း မကြောက်၊ အမေလည်း မကြောက်ဘူး။ အိမ်ဘေးက ဦးရာဂျူးဆိုတဲ့ ကုလားကြီးကိုတော့ ကြောက်တယ်၊ သူဆိုးပြီ ငိုပြီဆိုရင် “ဦးရာဂျူးရေ” လို့သာ အော်ခေါ်လိုက် တစ်ခါတည်း ငြိမ်ပြီး တိတ်သွားတော့တာပဲ။ ကလေးဆိုတာ သူကြောက်ရမယ့် လူတစ်ယောက်တော့ ရှိမှရှင့်” လို့ မိခင်တစ်ယောက်က ပြောပါတယ်။ သူ့ခမျာ သူ့သားကလေးမှာ အကြောက်တရား ရှိတာကို ဂုဏ်ယူနေပုံပါပဲ။ သူ့စကား ကြားရတဲ့အခါ ကျွန်တော် ငယ်ငယ်တုန်းက ကြောက်အောင် အလုပ်ခံရပုံကို သတိရမိသေးတော့။ ကျွန်တော် ငိုကြောရှည်နေတဲ့အခါ ကျွန်တော့်ကို ထိန်းတဲ့ အဒေါ်ကြီးက “ဟာလ၀ါကြီး လာနေပြီ၊ လာနေပြီ” ဆိုလိုက်ရင် ချက်ချင်း အငိုတိတ်ရတော့တာ၊ ဟာလ၀ါဆိုတာ ဘာမှန်း မသိဘဲနဲ့ ကြောက်လိုက်ရတာလေ။ နောင် ကြီးလာမှ ဟာလ၀ါဆိုတာ အတော်စားလို့ကောင်းတဲ့ မုန့်တစ်မျိုးမှန်း သိရတော့တာ။

သားသမီးကို အိပ်ပျော်နေမှ နမ်းရဲကြရှာတဲ့ မိဘမျိုးကို ငယ်ငယ်တုန်းက တွေ့ဖူး မြင်ဖူးပါတယ်။ သူတို့ခမျာ သားသမီးတွေ ရှေ့မှာ မျက်နှာကို တည်တည်ကြီး လုပ်ထားကြရရှာပါတယ်။ လေသံကိုလည်း တင်းတင်းမာမာ ဖြစ်အောင် အားစိုက်ပြီး ပြောကြရရှာပါတယ်။ ရိုက်နှက်အပြစ်ပေးဖို့ လိုလာပြီ ထင်ရင်လည်း လက်မနှေးအောင် ကြိုးစားကြရရှာပါတယ်။ ရင်ထဲက တကယ်ဖြစ်နေတဲ့ ချစ်ခြင်းမေတ္တာရဲ့ လက္ခဏာပုံရပ်ိတွေ မပေါ်အောင် ဖိနှိပ်ချုပ်တည်းထားရတာ၊ အတွင်းစိတ် ခံစားမှုကို ဆန့်ကျင်ပြီး သရုပ်ဆောင်ပြနေရတာတွေဟာ အတော်တော့ ပင်ပန်းကြရှာမှာပါ။ ဘာဖြစ်လို့ သူတို့ အဲဒီလို ဖြစ်နေကြရတာလဲ။

“မှားယွင်းတဲ့ အယူအဆကို လက်ခံ ယုံကြည်ထားလို့ပါ။ ပြီးတော့ ကလေးရဲ့ သဘာဝကို နားမလည်ကြလို့ပါ။ ပြီးတော့ တန်ဖိုးထားမှုတွေ လွဲနေလို့ပါ” လို့ စိတ်ပညာ ဆရာတစ်ဦးက ဆိုပါတယ်။
(၂)
ကြောက်အောင်လုပ်တာ ကောင်းပါသလား။

လောကမှာ ကြောက်စရာအကောင်းဆုံးက အကြောက်တရားပဲတဲ့။ ကလေးတွေရဲ့ အကြောက်တရားကိစ္စ အရေးကြီးပါတယ်။

နိုင်ငံတိုင်းရဲ့ အဖိုးအထိုက်တန်ဆုံး သယံဇာတဟာ ရေနံမဟုတ်ပါဘူး။ သစ်တော မဟုတ်ပါဘူး။ တွင်းထွက် မဟုတ်ပါဘူး။ ကလေးတွေပါ။

နိုင်ငံတိုင်းမှာ အရေးအကြီးဆုံး ပုဂ္ဂိုလ်တွေဟာ ကလေးတွေပါ။

သူတို့အပေါ် တန်ဖိုးထားမှု အနည်းအများဟာ သက်ဆိုင်ရာ လူ့အဖွဲ့အစည်းရဲ့ ယဉ်ကျေးမှု စံချိန်စံညွှန်း ဂရပ်မျဉ်း အနိမ့်အမြင့်ကို ဖြစ်စေပါတယ်။ သူတို့ကို အခွင့်အရေး အပြည့်အ၀ ပေးခြင်းဟာ အကောင်းဆုံး အနာဂတ် ရင်းနှီးမြှုပ်နှံမှုပါပဲ။

အဲသလောက် အရေးတကြီး တန်ဖိုးရှိတဲ့ ကလေးတွေရဲ့ ရင်ထဲကို ကြောက်စိတ်သွင်းပေးလိုက်တာဟာဖြင့် အနာဂတ် လူ့အဖွဲ့အစည်းကို မြေမြှုပ်သင်္ဂြိုဟ်ဖို့ ကျင်းတူးပေးလိုက်တာပါပဲ။

နေ့စဉ်ဘ၀ရဲ့ စိန်ခေါ်ချက်တွေကို ကျွန်တော်တို့ တုန့်ပြန် ပြုမူပုံတွေဟာ ကလေးသူငယ်ဘ၀က ဖြတ်သန်းခဲ့ရတဲ့ အတွေ့အကြုံတွေရဲ့ လွှမ်းမိုးမှု မကင်းတတ်ပါဘူး။ ဒီလို ဆိုလိုက်တာနဲ့ ကျွန်တော်တို့ဟာ မျိုးရိုးဗီဇနဲ့ အစဦး ပတ်ဝန်းကျင်ရဲ့ သားကောင်လုံးလုံး ဖြစ်တယ်လို့ ဆိုလိုတာ မဟုတ်ပါဘူး။ ဒါပေမယ့် ဘ၀တစ်လျှောက်လုံးမှာ စောစောပိုင်း နှစ်ကာလတွေရဲ့ သြဇာဟာ အနည်းနဲ့အများ ကျွန်တော်တို့အပေါ်မှာ ရှိနေတာပဲ ဖြစ်ပါတယ်။

ကလေးတွေနဲ့ လူကြီးတွေဟာ တစ်ခုတည်းသော ကမ္ဘာမှာ နေထိုင်ကြတာလို့ ကျွန်တော်တို့ ထင်နေကြတယ်။ မဟုတ်ပါဘူး။ ကလေးဟာ သူ့ကမ္ဘာလေးနဲ့သူ သီးခြားနေနေတာပါ။ ကလေးအတွက် ဒီလောကကြီးဟာ အသစ်စက်စက်ပါ။ အရာရာဟာ စိတ်ဝင်စားစရာပါ။ သူတို့ဟာ ကလေးကမ္ဘာမှာ အံ့သြမှု၊ ထိတ်လန့်မှုတွေနဲ့ သီးခြားနေကြတဲ့ ကလေးတွေသာ ဖြစ်ပါတယ်။ အရွယ်ရောက်ပြီး လူကြီးကမ္ဘာထဲကို သူတို့ဘာသာ သူတို့ တဖြည်းဖြည်းနဲ့ မှန်မှန်ကန်ကန် တိုးထွက်လာနိုင်ဖို့ လက်ဦးဆရာတွေ အရေးကြီးလှပါတယ်။

“မိဘတွေက ကိုယ် ဖြစ်စေချင်တာတွေကို အကြောက်တရားနဲ့ ဇွတ် အဓမ္မ ပုံသွင်းပေးနေကြရင်တော့ ကလေးတွေဟာ စိတ်ကျန်းမာ ရင့်ကျက်တဲ့၊ လူမှုရေး သိနားလည်တဲ့၊ စိတ်သတ္တိနဲ့ ပြည့်ဝတဲ့၊ နေ့စဉ် ဘ၀မှာ ကိုယ့်ကိုယ်ကို ယုံကြည်ပိုင်နိုင်တဲ့ လူကြီးတွေ ဖြစ်လာဖို့ ခက်ပါတယ်။ မေတ္တာဓာတ်လွှမ်းခြုံပြီး နားလည်မှုရှိတဲ့၊ လုံခြုံတဲ့ ပတ်ဝန်းကျင်မှာ လွတ်လွတ်လပ်လပ် ကြီးပြင်းခွင့်ရဖို့ လိုပါတယ်” လို့ စိတ်ရောဂါကု ပါရဂူ ဒေါက်တာ ရောဘတ်ရှီးက “ကလေး၏ ပထမ ငါးနှစ်” ဆိုတဲ့ စာအုပ်မှာ ရေးခဲ့ပါတယ်။

စာရေးဆရာမကြီး ကြည်အေးရဲ့ “မေတ္တာမီးအိမ်” ၀တ္ထုမှာလည်း ဒီသဘောတွေ တွေ့ရပါတယ်။ အတ္တကြီးလွန်းလှတဲ့ ဖခင်တစ်ယောက်ရဲ့ စရိုက်အဖွဲ့ဟာ ကျောစိမ့်စရာပါ။ သမီးကလေး လူမှန်းသိစ အရွယ်မှာပဲ မိခင်ဖြစ်သူက လင်ယောက်ျားရဲ့ဒဏ် မခံနိုင်တော့တဲ့အတွက် ထွက်ပြေးသွားတဲ့အခါ ဖခင်ရဲ့ နာကျင်မှုနဲ့ အချစ်ဟာ သမီးလေး “အဖြူ” အပေါ် ပုံပြီး ကျရောက်လာခဲ့တယ်။ အချစ်ကြီးသလောက် ရက်စက်ကြမ်းတမ်းစွာ ဖိနှိပ် ဆက်ဆံခဲ့တဲ့ ဖခင်ရဲ့ တင်းကျပ်တဲ့ စည်းကမ်းတွေ၊ အပြစ်ပေးမှုတွေ အောက်မှာ ကြီးပြင်းလာရတဲ့ အဖြူဟာ စိတ်ဝေဒနာသည် တစ်ယောက် ဖြစ်လာခဲ့ရတယ်။ အဖြူရဲ့ မသိစိတ်က ဖခင်ကို သေစေချင်နေတယ်။ ဖခင်သေပြီး ငရဲခံနေရတယ်လို့ အိပ်မက်မက်ပြီးတိုင်း အဖြူဟာ စိတ်ရောဂါဆေးရုံကို ရောက်ရောက် သွားရတာပါပဲ။ အသက် သုံးဆယ်နီးပါး ရောက်တဲ့အထိ အိမ်နဲ့ ဆေးရုံ လွန်းပြန်သွားနေခဲ့ရတယ်။ ဒါပေမယ့် ခေါင်းမာလှတဲ့ ဖခင်ကတော့ သူ့စရိုက်ကို မပြောင်းလဲခဲ့ပါဘူး။ “ကျုပ်သမီးကို ကျုပ်လောက် ဘယ်သူမှ မချစ်နိုင်ဘူး” လို့ သူက နာကျင်စွာ ပေါက်ကွဲပါတယ်။ နောက်တော့ ချစ်သူ ဆရာဝန်ရဲ့ အားပေးကူညီမှုနဲ့ အဖြူဟာ သူ့ကိုယ်သူ တွေ့ရှိအောင် လုပ်ခဲ့ရပါတယ်။ အမှန်ကို ရင်ဆိုင်ရဲအောင် အားထုတ်ခဲ့ရပါတယ်။ စိတ်ဓာတ်ရေးရာအားဖြင့် ဖခင်ကို မှီခိုနေရတဲ့ အဖြစ်က လွတ်မြောက်အောင် ကြိုးစားခဲ့ရပါတယ်။ အဲဒီလိုနဲ့ အဖြူဟာ သူဘယ်သူပဲလို့ ပီသလာအောင် ကိုယ့်ကိုယ်ကို ပြန်လည် တည်ဆောက်ယူရတဲ့ အကြောင်း ဒေါ်ကြည်အေးက သူရဲ့ အံ့သြနှစ်သက်ဖွယ် စကားပြေအတတ်နဲ့ ရေးဖွဲ့ထားလိုက်တာ ကျွန်တော်တို့ဟာ ကိုယ့်ကိုယ်ကို အဖြူလို့ ထင်မြင်လိုက်ရတဲ့ အထိပါပဲ။

ကိုယ်ပြောတဲ့အတိုင်း ကလေးတွေက နားထောင်လိုက်နာတာကို မိဘနဲ့ ဆရာတွေက သဘောကျပါတယ်။ ဒါကို တန်ဖိုးလို့ မြင်ပါတယ်။ မှန်ပါတယ်။ ချစ်ခင်စိတ်ကို အကြောင်းခံတာဆိုရင် ဒါဟာ တန်ဖိုးပါ။ ဒါပေမယ့် ကြောက်ရွံ့စိတ်ကို အကြောင်းခံတာဆိုရင်တော့ ဒါဟာ စဉ်းစားစရာ ကိစ္စပါ။ တစ်ခါတစ်ရံမှာ အသက် နှစ်နှစ်နဲ့ ငါးနှစ်ကြားအရွယ် ကလေးငယ်တွေဟာ လူကြီး ပြောတာကို နားမထောင်တတ်ကြပါဘူး။ ဒါဟာ သဘာဝကျပါတယ်။ ဘာဖြစ်လို့လဲဆိုတော့ ဒီအရွယ်ပိုင်းမှာ ကလေးငယ်ဟာ သူ့ကိုယ်သူ ယုံကြည်စိတ်၊ သူကိုယ်တိုင် စူးစမ်း လုပ်ကိုင်ကြည့်ချင်စိတ်တွေ တိုးပွားလို့ပါပဲ။ တစ်ခါတစ်ခါမှာတော့ လူကြီးတွေက သူ့ကို ဂရုစိုက် စိတ်ဝင်စားမှု ပြတာကို လိုချင်လို့ တမင် နားမထောင်တာလည်း ရှိတတ်ပါတယ်။ လူကြီးတွေ အဖို့မှာတော့ အောင့်သက်သက် ဖြစ်ရတာပေါ့။ “ဒါပေမယ့် ကလေးတွေမှာ ဒီသဘာဝ ရှိတယ်ဆိုတာ သိထားရင် သူတို့ကို ဘယ်လိုဆက်ဆံရမယ်ဆိုတာ နားလည်နိုင်ပါတယ်” လို့ ဒေါက်တာရောဘတ်ရှီးက ရှင်းပြပါတယ်။

ဒါပေမယ့် ကျွန်တော်တို့ လူကြီးတွေကတော့ နားလည်ဖို့ မကြိုးစားကြတာ များပါတယ်။ တစ်ကြိမ်နှစ်ကြိမ် ပြောလို့ နားမထောင်ဘူးဆိုရင် ကြိမ်လုံးဆီ မျက်စိရောက်တော့တာပါ။ “ဒီလောက် ခေါင်းမာလှတဲ့ ကလေး။ လာခဲ့စမ်း၊ နင့်အကျင့်ကို ချွတ်ရမယ်” ဆိုပြီး ကြိမ်ကို ၀င်တော့တာပါ။ ကိုယ့်ရဲ့ဒေါသကို ရိုက်နှက်ခြင်းနဲ့ ဖြေဖျောက်ဖို့သာ အာရုံထားကြတာမို့ ကလေးရဲ့ ခံစားမှုကိုတော့ ဂရုမစိုက်တတ်ကြပါဘူး။ ကိုယ်ပြောတာကို ကလေး နားလည်အောင် လုပ်ချင်လာအောင် အားမထုတ်တော့ဘဲ ဆူပူဟိန်းဟောက်လို့ပဲ ဖြစ်ဖြစ်၊ ကြိမ်လုံး ကိုင်လိုက်လို့ပဲ ဖြစ်ဖြစ် အလွယ်တကူ ဖြေရှင်းပစ်တတ်ကြပါတယ်။ ဒီနည်းက လွယ်တယ်လေ။ ပညာမလိုဘူး။ အပြန်အလှန် ညှိနှိုင်း ဆွေးနွေးစရာ မလိုဘူး။ ဒါမလုပ်နဲ့ လုပ်ရင် ရိုက်မယ်။

ကလေးတွေ သိပ်ဆော့ရင်လည်း လူကြီးက မကြိုက်ပါဘူး။ အပူအပင်မရှိ ဆော့ခဲ့ရ၊ ပျော်ခဲ့ရတဲ့ ကလေးဘ၀ကို သူတို့ကိုယ်တိုင် မေ့လျော့သွားခဲ့လို့လား မသိဘူး။ ကလေးတွေ ဆူညံအော်ဟစ်မယ်၊ တဒုန်းဒုန်းနဲ့ ပြေးလွှားခုန်ပေါက်မယ်ဆိုရင် သူတို့က ခြောက်လှန့် ငေါက်ငမ်းကြပါတယ်။ ငေါက်လို့မရရင် ရိုက်ပါတယ်။ ဒါပေမယ့် သုတေသီတွေကတော့ ဆော့ကစားတာဟာ ကလေးအတွက် အရေးကြီးတယ်လို့ ပြောကြပါတယ်။ လူကြီးတွေပြောတဲ့ ဆော့တယ်ဆိုတာ အမှန်တော့ ကလေးတွေ အလုပ်လုပ်နေတာပါ။ သူတို့ သင်ယူနေတာပါ။ ကလေးတွေ မီးခြစ်ကိုင်မယ်၊ ကတ်ကြေးကိုင်မယ်၊ ဓားကိုင်မယ်ဆိုရင် “ ဟဲ့ ... ဟဲ့ ... မကိုင်နဲ့ လောင်သွားလိမ့်မယ်၊ ရှသွားလိမ့်မယ်” ဆိုပြီး အလန့်တကြား အော်ဟစ်ဟန့်တားလိုက်ရင် ကလေးဟာ ဒီပစ္စည်းတွေအပေါ် ကြောက်စိတ်ဝင်ပြီး မထိရဲ၊ မကိုင်ရဲ ဖြစ်သွားတတ်ပါတယ်။ ကလေးကို ကြောက်အောင်လုပ်မဲ့အစား “ဒါကို ဒီလို လုပ်ရတယ်၊ ဓားမရှအောင် ဒီလို ကိုင်ရတာ” လို့ သင်ပြပြီး အကျိုးနဲ့ အပြစ်ကို ရှင်းလင်းပြမယ်ဆိုရင် ကလေးဟာ အသစ်တစ်ခုကို တတ်မြောက် သိရှိပြီဆိုပြီး ရဲဝံ့အားတက်သွားမှာပါ။
ကစားခြင်းဟာ ကလေးအတွက် သင်ယူနေခြင်းပါပဲ။
ဒါပေမယ့် ကျောင်းမှာ ကလေးငယ်တွေဟာ စာအုပ်ရှေ့မှာ၊ ခုံနောက်မှာ အချိန်အကြာကြီး ငြိမ်ငြိမ်လေး ထိုင်နေတာကို တန်ဖိုးလို့ ဆရာတွေက ယူဆကြပါတယ်။ အတန်းကြီးတဲ့ ကျောင်းသားတွေအဖို့တော့ မှန်သင့်သလောက် မှန်ပါတယ်။ ဒါပေမယ့် အတန်းငယ်တဲ့ ကလေးတွေအဖို့တော့ မသင့်တော်ဘူးလို့ ပညာရှင်တွေက ပြောလာကြပါပြီ။

“အသက်ငါးနှစ်နဲ့ ရှစ်နှစ်ကလေးတွေကို အတန်းကြီးတွေ သင်သလို သင်ဖို့ မကောင်းပါဘူး။ သူတို့ကို တစ်မျိုးသင်ရပါတယ်။ စာသင်ခန်းထဲမှာ လှုပ်ရှားသွားလာနေရတာထက် ငြိမ်ငြိမ်လေးထိုင်ပြီး ဆရာ ပြောသမျှ နားထောင်နေရတာက ကလေးငယ်တွေအဖို့ ပိုပြီး ငြီးငွေ့ပင်ပန်းစေပါတယ်။ ကလေးတွေရဲ့ သဘာဝက တစ်နေရာတည်းမှာ ငြိမ်ပြီး အကြာကြီး မထိုင်နိုင်ပါဘူး” လို့ သင်ကြားမှု ပညာရှင်တစ်ဦးက ဆိုပါတယ်။ ပညာရေးသမား တစ်ယောက်ကတော့ ဒီလိုတောင် ဆိုပါရဲ့။ “ကလေးလေးတွေကို စာအုပ်တွေ၊ ခုံတွေ ကြားမှာ တစ်နေ့လုံး ထိုင်ခိုင်းထားရမယ်ဆိုတာ အတော်ကြောက်စရာကောင်းတဲ့ အတွေးအမြင်ပဲ” တဲ့။

တိုးတက်ဖွံ့ဖြိုးတဲ့ နေရာတွေက သူငယ်တန်း စာသင်ခန်းတွေကို ကြည့်ရင် ကလေးတွေဟာ ဆရာ၊ ဆရာမနဲ့အတူ ကစားကြ၊ ပုံပြောကြ လုပ်နေတာကို မြင်ရပါလိမ့်မယ်။ ကျောင်းဆိုတာ စာတွေသင်တဲ့ နေရာလို့ အစွဲရှိထားသူတွေ အဖို့တော့ အံ့အားတသင့်နဲ့ ဘ၀င်မကျ ဖြစ်ကောင်း ဖြစ်ပါလိမ့်မယ်။ စာသင်ခန်းဆိုတာ ထိုင်နေကြတဲ့ ကျောင်းသားတွေရှေ့မှာ ဆရာက ရပ်ပြီး စာသင်နေတာ၊ စာသင်သံနဲ့ စာအံသံမှ တစ်ပါး အခြားအသံ မရှိသင့်တဲ့နေရာလို့ ထင်မြင်သူတွေကတော့ “အမယ်လေး ပျက်စီးကုန်ပါပြီ” လို့ အော်ကောင်း အော်ပါလိမ့်မယ်။

မှန်ပါတယ်။ ကျွန်တော်တို့ ငယ်ငယ်တုန်းကတော့ ကျောင်းဆိုတာ အတန်းကြီးငယ်မရွေး စာတွေသင်တဲ့နေရာ ဖြစ်ခဲ့ပါတယ်။ ဆရာကို ကြိမ်လုံးနဲ့ တွဲပြီး မြင်လေ့ရှိခဲ့ပါတယ်။ သူငယ်တန်းမှာတောင် ဆရာက စာသင်ချိန်မှာ တစ်ယောက်နဲ့ တစ်ယောက် စကားပြောရင် မကြိုက်ပါဘူး။ မြင်ရင် ကြားရင် အပြစ်ပေးပါတယ်။ အပြစ်ပေးခံရမှာ ကြောက်တာနဲ့ ဒီအရွယ် ကလေးငယ်တွေမှာ အရေးအကြီးဆုံးဖြစ်တဲ့ မိတ်ဆွေဖွဲ့ခြင်း၊ အတူပူးပေါင်းဆောင်ရွက်ခြင်းတွေ ပျောက်ပျက်ရပါတယ်။ အမှန်မှာတော့ အပေါင်းအသင်း ဖွဲ့ခြင်းဆိုတဲ့ “အ” တစ်လုံးဟာ “အရေး၊ အဖတ်၊ အတွက်” ဆိုတဲ့ “အ” သုံးလုံးထက် ဒီအရွယ်မှာ ပိုပြီး အဓိကကျတယ်ဆိုတာ ကျွန်တော်တို့ ခေတ်တုန်းက မသိခဲ့ကြဘူးလေ။ မသိတော့ ကလေးတွေ အရိုက်ခံရတာပေါ့။ ကလေးတွေ ကြောက်စိတ်ဝင်တော့တာပေါ့။ အစပိုင်းမှာ ပြောခဲ့တဲ့ ဖြစ်ရပ် (၂)ကို ပြန်ကြည့်ရင် အတန်းငယ် ကလေးလေးတွေကို အတန်းကြီး ကလေးတွေနဲ့ တသဘောတည်း မြင်တာကြောင့် စာသင်ခန်းတွင်း ပူးပေါင်းလုပ်ဆောင်ခြင်း၊ အပြန်အလှန် ကူညီခြင်း စိတ်ဓာတ်တွေ ထိခိုက်သွားနိုင်တာ တွေ့ရပါတယ်။ လိုလားအပ်တဲ့ ဒီစိတ်ဓာတ်တွေအစား မလိုလားအပ်တဲ့ ကြောက်စိတ်တွေ ၀င်သွားရခြင်းသာ အဖတ်တင်ရပါတယ်။

ပြီးတော့ ကလေးငယ်လေးတွေကို စာတွေ အများကြီးသင်တဲ့ ကိစ္စ။ ဒါဟာ မကောင်းဘူးဆိုတဲ့ အမြင် ကျွန်တော်တို့ဆီမှာ ရှိပြီးသားပါ။ ဒါပေမယ့် လက်တွေ့မှာတော့ မိဘတွေရဲ့ မျှော်လင့်ချက်က ကိုယ့်ကလေး စာမြန်မြန်တတ်စေချင်တယ်။ စာတော်စေချင်တယ်၊ ဖြစ်နိုင်ရင် အတော်ဆုံး ဖြစ်စေချင်တယ်။ ပြိုင်ဆိုင်ချင်တယ်။ ဒီတော့ ပြင်ပ မူကြိုကျောင်းတွေက မိဘတွေအကြိုက် စာတွေ သင်ပေးကြပါရော။ အဲဒီလို မိဘနဲ့ ဆရာရဲ့ ဖိအားတွေအောက်မှာ ကလေးငယ်ခမျာ မနိုင်ဝန်ထမ်းရတော့တာပဲ။
“ငါးနှစ်အရွယ် ကလေးငယ်ဟာ စာဖတ်တတ်ဖို့ မလိုသေးဘူး” လို့ ပညာရှင်တွေ သတိပေးကြပေမယ့် ကလေးဟာ ကြိမ်တို့ပြီး အမောင်းခံနေရရှာတယ်။ ဒီအခြေအနေမှာ ကျောင်းဆိုတာ သူ့အတွက် ငရဲခန်းလို့ ခံစားသွားနိုင်ပါတယ်။ ကျောင်းကို ကြောက်သွားနိုင်ပါတယ်။ ပညာသင်တယ်ဆိုတာ ပျော်စရာ ဖြစ်မလာဘဲ နှိပ်စက်ညှင်းပန်းခြင်းလို့ ခံစားသွားမယ်ဆိုရင် ပညာကို မုန်းသွားနိုင်တယ်။ ပတ်ဝန်းကျင်တစ်ခုလုံးကို မုန်းသွားနိုင်တယ်။ လူတွေကို မုန်းသွားနိုင်တယ်။ ဒါ အန္တရာယ်သိပ်ကြီးတဲ့ ကိစ္စပါ။

“သူငယ်တန်းက ကလေးတစ်ယောက်ကို 'က' ကြီး နှစ်မျက်နှာရေးဖို့ အိမ်စာပေးလိုက်တဲ့ အဓိပ္ပာယ်က ဘာလဲ။ အဓိပ္ပာယ် အမှန်က သူ့လက်ချောင်းကလေးတွေကို နိုင်နိုင်နင်းနင်း ဖြစ်လာအောင် လေ့ကျင့်တာက အဓိက ရည်ရွယ်ချက်ပါ။ ကကြီးဆိုတာ ဘာအဓိပ္ပာယ်မှန်းလဲ မသိဘဲနဲ့ အလုံး (၁၀၀) ရေးပြီးဖို့က အဓိက မဟုတ်ပါဘူး။ ဒါပေမယ့် အခုဟာက မိဘတွေရော တချို့ဆရာတွေရော အဓိပ္ပာယ်ကောက်ပုံ လွဲနေကြတယ်” လို့ ပညာရေး သုတေသနဌာနက ပုဂ္ဂိုလ်တစ်ဦးက ဆိုပါတယ်။ အဲဒီလို နားလည်ပုံ လွဲတဲ့အတွက် အိမ်စာလုပ်ဖို့ ကြောက်နေရှာတဲ့ ကလေးငယ်ဟာ အရိုက်သော်လည်းကောင်း၊ ငတုံး၊ ငအ၊ ငဖျင်း စသည်ဖြင့် ဖိနှိပ် မာန်မဲမှုသော်လည်းကောင်း ခံရပါတယ်။

“အမှန်တော့ ကလေးတွေက ပြဿနာ မဟုတ်ဘူးဗျ။ တကယ့် ပြဿနာက လူကြီးတွေ” လို့ စိတ်ပညာ ဆရာတစ်ဦးက ရယ်မောပါတယ်။

ကလေးတွေကို ဘာဖြစ်လို့ ကြောက်အောင် လုပ်တတ်ကြသလဲဆိုတော့ လူကြီးတွေ ကိုယ်နှိုက်က ကြောက်အောင် အလုပ်ခံခဲ့ကြရလို့ပါ။ သူတို့ကိုယ်နှိုက်မှာကိုက ကြောက်စိတ်တွေ ရှိနေလို့ပါ။ သူတို့ကိုယ်တိုင်မှာလည်း ဘ၀ဆိုတာကြီးရဲ့ ကြိမ်လုံးနဲ့ အရိုက်ကို ခံနေရတာကိုး၊ လောကမှာ စွမ်းအင်မဲ့လေလေ ဘ၀ရဲ့ အရိုက်ကို ပိုခံရလေလေလို့ စွဲမှတ်ယုံကြည်လာကြတဲ့အခါ ကိုယ့်မျိုးဆက်ကို စွမ်းအင်တွေ ပြည့်စေချင်စိတ်နဲ့ အဓမ္မ ကြိုးစားကြတော့ပါပဲ။
ဒီလိုဆိုပြန်တော့ အမှန်တကယ် သနားစရာ ကောင်းနေတာက လူကြီးတွေ ဖြစ်နေပါရောလားဗျ။

(၃)

ကြိမ်လုံးအကြောင်း စဉ်းစားမိတိုင်း အထက်တန်း ကျောင်းသားဘ၀တုန်းက ကြုံခဲ့ရတာလေး တစ်ခုကို အမြဲသတိရနေမိပါတယ်။
မြန်မာစာအချိန်မှာ ပင်ရင်းစကားပြေ လက်ရွေးစင်ထဲက “မင်းတုန်းမင်းနှင့် ငါးခြောက်ပြား” ဆောင်းပါးကို သင်ပြီးစပေါ့။ မင်းတုန်းမင်း ငယ်ရွယ်စဉ် မောင်လွင်ဘ၀က စံကျောင်းဆရာတော်ဆီမှာ ပညာသင်ကြားခဲ့ရတယ်။ တစ်နေ့မှာ အင်းသားကြီး ငကြူက ငါးခြောက်ပြားကြီး တစ်ပြား လာပြီးလှူတယ်။ ဆရာတော်က ငါးခြောက်ကို သိပ်ကြိုက်ပါသတဲ့။ ကျောင်းမှာကလည်း ငါးခြောက် ပြတ်လပ်နေချိန်ဖြစ်တော့ ဆရာတော်က မောင်လွင်ကို ကျက်သရေခန်းထဲမှာ သေသေချာချာ သိမ်းခိုင်းလိုက်ပါတယ်။ နောက်တစ်နေ့ ဆရာတော် ဆွမ်းဘုဉ်းပေးတဲ့အခါ မောင်လွင်ကို ငါးခြောက်ဖုတ်ခိုင်းတော့ ငါးခြောက်က ရှာမတွေ့တော့ဘူး။ ဆရာတော်က လက်ဆေးပြီး နှမ်းဆီမွှေးမွှေးနဲ့ ရောက်လာမယ့် ငါးခြောက်ဖုတ်ကို စောင့်နေတာပေါ့။ မောင်လွင်မှာ ဘယ်လိုမှ ရှာဖွေ မေးမြန်း စုံစမ်းလို့မရဘဲ ဗျာများနေခိုက် “ဟဲ့ ... ငလွင် မရသေးဘူးလား” လို့ မေးလိုက်တော့ ညှိုးညှိုးငယ်ငယ်နဲ့ပဲ ငါးခြောက်ပြားကြီး ပျောက်ဆုံးသွားတဲ့အကြောင်း တင်လျှောက်ရတော့တယ်။ “ငလွင် ... လာခဲ့” လို့ ထားဝယ်ကြိမ်ကို ဆွဲပြီး ခေါ်လိုက်တဲ့ ဆရာတော့်အသံက ကျောင်းသားအားလုံးရဲ့ နှလုံးသားကို ကန်လန့်ဖြတ် ၀င်သွားပါသတဲ့။ “ဟဲ့ ... ငလွင် နင်ဟာ ဘုရင့်သား၊ အကြောင်းညီညွှတ်ရင် နိုင်ငံကို အုပ်ချုပ်မင်းလုပ် ရမယ့်သူ၊ ဒီလိုလူက ငါးခြောက်ပြားလေး တစ်ချပ်ကိုတောင် လုံခြုံအောင် မစောင့်ရှောက်နိုင်ရင် နိုင်ငံကို နင် ဘယ်လို လုံခြုံအောင် လုပ်နိုင်တော့မလဲ” လို့ မေးပြီး အချက်ပေါင်းများစွာ ရိုက်နှက်ဆုံးမပါသတဲ့။

ဒီဆောင်းပါးကို သင်ပြီးတော့ ဆရာက သင်ရိုးထဲက မေးခွန်းတွေကို အဖြေခိုင်းပါတယ်။ မေးခွန်းတစ်ခုက “စံကျောင်းဆရာတော်၏ ဆုံးမမှုကို သင်လက်ခံပါသလား” လို့ အဓိပ္ပာယ်မျိုး ပေါက်တဲ့ မေးခွန်းပါ။ နောက်တစ်နေ့ မြန်မာစာ အချိန်ရောက်တော့ ဆရာဟာ အတန်းထဲကို ခြေသံပြင်းပြင်းနဲ့ ၀င်လာပါတယ်။ အဖြေလွှာတွေကို စားပွဲပေါ် ဘုန်းခနဲ မြည်အောင် ပစ်ချလိုက်ပါတယ်။ ဆရာ့မျက်နှာက နီပြီးတင်းလို့။ တစ်တန်းလုံးကို ဝေ့၀ဲပြီး ကြည့်တယ်။ တစ်တန်းလုံးကလည်း ငြိမ်လို့။ ဆရာ ဘာဖြစ်လာတာပါလိမ့်လို့ တွေးနေကြပုံပဲ။
ဆရာက ကျောင်းသားတစ်ယောက်ရဲ့ နာမည်ကိုခေါ်ပြီး အတန်းရှေ့ ထွက်ခိုင်းပါတယ်။ နောက်ဆုံးခုံက ကျောင်းသားတစ်ယောက် ထွက်လာပါတယ်။ ဆရာက အဖြေလွှာတစ်ရွက်ကို ဆွဲထုတ်ပြီး အဲဒီကျောင်းသားကို ပေးလိုက်တယ်။

“ဒါ မင်းအဖြေလား”

“ဟုတ်ပါတယ် ဆရာ”
“အေး တစ်တန်းလုံးကြားအောင် ဖတ်စမ်း”

နည်းနည်း အံ့သြနေပုံနဲ့ ကျောင်းသားက သူ့အဖြေကို ဖတ်ပါတယ်။ မှတ်မိသလောက်ဆိုရင် စံကျောင်းဆရာတော်ရဲ့ ဆုံးမပုံကို သူမကြိုက်ကြောင်း၊ ဆုံးမမှု သဘောထားကို သံသယဖြစ်မိကြောင်း၊ ဆရာတော်ရဲ့ အဲဒီအချိန်က စိတ်ခံစားမှုဟာ တပည့်ကို လမ်းညွှန်ချင်စိတ်ထက် မိမိ အလွန်တရာ ကြိုက်နှစ်သက်တဲ့ ငါးခြောက်ဖုတ်ကို ဘုဉ်းမပေးရတဲ့အတွက် ဖြစ်ပေါ်လာတဲ့ ဒေါသစိတ်က ပိုပြီး ကြီးမားနေနိုင်ကြောင်း၊ ပြီးတော့ ဒီကိစ္စဟာ ဒီလောက် ရိုက်နှက် အပြစ်ပေးစရာ မလိုကြောင်း၊ နားဝင်အောင် ဆုံးမလျှင် ရပါလျက်နှင့် သေရာပါ အမာရွတ်ထင်အောင် ရိုက်နှက်ခြင်းဟာ ဒေါသစိတ်ကြောင့်ဟု သံသယ ဖြစ်စရာရှိကြောင်း၊ ဘုရားသားတော်တို့ မည်သည် ရသတဏှာဖြင့် ဆွမ်းဘုဉ်းမပေးသင့်သည်ကို သတိရသင့်ကြောင်း၊ ဆရာကိုယ်တိုင်က ဤ၀ိနည်းကို မထိန်းသိမ်းနိုင်ပါဘဲ၊ တပည့်ကို ဆုံးမခြင်းမှာ စဉ်းစားဖွယ်ဖြစ်ကြောင်း၊ အသားနာမှ အရိုးစွဲအောင် မှတ်မယ်လို့ ထင်ပြီး ပြင်းပြင်းထန်ထန် အပြစ်ပေး ဆုံးမခဲ့ပေမယ့် မင်းတုန်းမင်းလက်ထက်မှာ အောက်မြန်မာနိုင်ငံ တစ်ခုလုံးကို အင်္ဂလိပ်လက် ထိုးပေးလိုက်ရတဲ့အတွက် ဒီဆုံးမနည်းဟာ မအောင်မြင်ကြောင်း၊ အဲဒီလိုတွေ ဖြေထားတာဗျ။ တစ်တန်းလုံးကတော့ တခိခိနဲ့ ရယ်ကြတယ်။ သူတစ်ကြောင်းဖတ်လိုက်၊ ခိခနဲ ကျိတ်ရယ်လိုက်ကြနဲ့။ ဆရာကတော့ ကျောင်းသားတွေရယ်လေ ဒေါသထွက်နေလေပါပဲ။
ကျောင်းသားဖတ်ပြီးသွားတော့ ဆရာက သူ့ကိုမေးတယ်။

“ မင်း ငါ့ကို နောက်တာလား”
“ဟာ ... မဟုတ်ဘူး ဆရာ။ ကျွန်တော် မေးခွန်းကို ဖြေတာပါ”

“ကဲ ... အားလုံး သူဖြေတာကို လက်ခံကြသလား၊ တစ်ယောက်စီ မေးမယ်၊ ကဲ ... မင်းကစ၊ သူဖြေတာ မှန်သလား မှားသလား”
ပထမဆုံး အမေးခံလိုက်ရတဲ့ ရှေ့ဆုံးခုံက ကျောင်းသားဟာ ရုတ်တရက် ဘာဖြေရမှန်း သိပုံ မရဘူး။ အဖြေရှင် ကျောင်းသားကို ကြည့်လိုက်၊ ဆရာ့ကို ကြည့်လိုက်၊ ဘေးဘီကို ကြည့်လိုက်နဲ့။ ကျွန်တော်စိတ်ထဲမှာတော့ အဲဒီ ကျောင်းသားရဲ့ အဖြေကို ကြိုက်နေတယ်။ ကျွန်တော်လည်း သူ့လို ခံစားမိတာပဲ။ ဒါပေမယ့် သူ့လို မဖြေတတ်ဘူး။ သူ့လို ထောင့်စေ့အောင် မမြင်တတ်ဘူး။ ပြီးတော့ သူ့လို မဖြေရဲဘူး။ တစ်တန်းလုံး လိုလိုလည်း ကျွန်တော့်လိုပဲလို့ ထင်တယ်။ သူတို့ မျက်နှာတွေကို ကြည့်ရင် သိသာပါတယ်။

“ဟေ့ကောင် ဖြေလေကွာ”

ရှေ့ဆုံးက ကျောင်းသားခမျာ တုန်သွားပါတယ်။ အဖြေရှင်ကျောင်းသားကို တစ်ချက် ခိုးကြည့်ပြီး ခေါင်းငုံ့ချလိုက်တယ်။ တကယ်တော့ ဆရာက မှန်သလား၊ မှားသလားဆိုတဲ့ မေးခွန်းနှစ်ခုကို မေးနေတယ်ဆိုပေမယ့် အမူအရာ၊ လေသံ၊ ဖန်တီးထားတဲ့ အငွေ့အသက်တွေက “မှားတယ်လို့ ဖြေစမ်း။ မဖြေရင် ကြိမ်လုံး”လို့ ပြောပြီးသား ဖြစ်နေပါပြီ။ ဆရာဟာ ကျောင်းသားတွေကို လိမ်နေသလို သူတရားပါတယ် ဖြစ်အောင် သူကိုယ်တိုင်လည်း ပြန်လိမ်နေတာပါ။ ဒါကို အဲဒီ ကျောင်းသားလည်း သဘောပေါက်ဟန် တူပါရဲ့။

“သူဖြေတာ မှားပါတယ်”

“ဟုတ်ပြီ၊ နောက်တစ်ယောက်”

“မှား ... အဲ ... မှားပါတယ်”

“နောက်တစ်ယောက်”

“မှားပါတယ်”

တစ်ယောက်ပြီး တစ်ယောက် မေးလာလိုက်တာ ကျွန်တော့်အလှည့် ရောက်လာပါတယ်။ ကျွန်တော် ထရပ်လိုက်တယ်။ အသက်တစ်ချက် ပြင်းပြင်းရှူလိုက်တယ်။
“မှားပါတယ်”
အဖြေရှင် ကျောင်းသားကို မကြည့်ရဲပါဘူး။ ခေါင်းငုံ့ပြီး ခုံပေါ်က စာအုပ်ကိုပဲ စိုက်ကြည့်နေမိတယ်။ ထူးခြားတာက ကျောင်းသားအားလုံးက အဲဒီလိုပဲ။ လူကုန်သွားတော့ ဆရာက အဲဒီကျောင်းသားကို နောက်ပြောင်မှုနဲ့ အတန်းရှေ့မှာ ရိုက်ပါတယ်။ ကြိမ်လုံးသံ တစ်ချက်ကြားရတိုင်း ကျွန်တော့်ခန္ဓာကိုယ် တစ်နေရာမှာ နာနာသွားသလိုပဲ။ ကျွန်တော်ကိုယ်တိုင် အရိုက်ခံနေရသလိုပဲ။ တစ်တန်းလုံးလည်း ကျွန်တော့်လိုပဲ ခံစားနေရမှာပါ။
အဲဒီကျောင်းသားဟာ ကျောင်းပြောင်းသွားပါတယ်။
ကိုယ့်ထင်မြင်ချက်ကို ပွင့်ပွင့်လင်းလင်း ပြောရဲတဲ့ သူငယ်ချင်းတစ်ယောက်ကို ကျွန်တော်တို့ ဆုံးရှုံးလိုက်ပါတယ်။ ဆရာ့မှာ အဲဒီလို တပည့်မျိုး ဆုံးရှုံးလိုက်ပါတယ်။ ကျောင်းမှာ ဒီလို ကျောင်းသားမျိုး ဆုံးရှုံးလိုက်ပါတယ်။ အဲဒီက ဆန့်တွေးလိုက်ရင်တော့ နိုင်ငံပေါ့ခင်ဗျာ။ ဒါ ဆုံးရှုံးမှုပါ။ ဘာဖြစ်လို့ ကျွန်တော်ဟာ ခံစားမှုချင်း တူပါလျက်နဲ့ သူ့လို မဖြေရဲခဲ့တာလဲ။ ဖြေရဲသူ ရှိလာတာတောင် ကျွန်တော်က ဘာဖြစ်လို့ သူမှန်တယ်လို့ မပြောရဲခဲ့တာလဲ။
အာရုံထဲမှာတော့ ငယ်စဉ်ကတည်းက ကြုံကြိုက်ဆုံစည်းခဲ့ရတဲ့ ကြိမ်လုံးတွေ၊ ကြိမ်လုံးတွေ၊ ကြိမ်လုံးတွေ ...။ ခက်ထန်တဲ့ အမူအရာတွေ။
ဝဲခနဲ ... ၀ဲခနဲ
တင်းခနဲ ... တင်းခနဲ
ရွှမ်းခနဲ ... ရွှမ်းခနဲ
အမေရေ ... ကျွန်တော်ကြောက်လှချည့်။
(၄)

အဲသလိုနဲ့ ကျွန်တော်တို့ရဲ့ သွေးထဲမှာ အကြောက်မျိုးစေ့တွေ ပွားများလာပြီး အရွယ်ရလာတာနဲ့အမျှ ကြောက်သီးတွေ တတွဲတွဲ၊ ကြောက်ပွင့်တွေ တဝေေ၀နဲ့။

လုပ်ငန်းခွင်ထဲမှာ ပြုပြင်ပြောင်းလဲဖို့ လိုအပ်တဲ့ ပြဿနာတွေ၊ အခက်အခဲတွေ ရှိရင်လည်း ကျွန်တော် ဘာမှ မပြောရဲဘူး။ အပြုဘက်က မြင်ပြီး ပြောင်းလဲပစ်ရင် အကျိုးရှိမယ်ဆိုတာ သေသေချာချာကြီး သိနေမြင်နေပါလျက်ကနဲ့ အထက်လူကြီး မကြိုက်မှာစိုးလို့ ကျွန်တော် ဘာမှ အကြံမပြုရဲပါဘူး။ ကျွန်တော့်ဆီက အကြံ၊ အတွေး၊ အမြင်၊ သဘောထားတွေကိုလည်း ဘယ်သူကမှ မတောင်းကြဘူးလေ။ သင်ခဲ့ရတဲ့ ပညာတွေ စာအုပ်ထဲ ပြန်သွားလည်း သွားပေရော့ပေါ့။ ဟောဒီ ပရောဂျက်ဟာ ဘယ်နေရာမှာ မှားနေတယ်လို့ ကျွန်တော်မြင်ပေမယ့် ဒါဟာ ပြောရမယ့် ကိစ္စလို့ ကျွန်တော် မထင်တော့ဘူး။ တဖြည်းဖြည်းနဲ့ အဲဒါ ကျွန်တော် မှန်တယ်လို့ ထင်လာတယ်။

ကျွန်တော့်အထက် အဆင့်အဆင့်၊ အောက်အဆင့်ဆင့်က လူတွေအားလုံးက ဒါကို မှန်တယ် ထင်လာကြရင်ဖြင့် ...
ဌာန မနာဘူးလား။

တိုင်းပြည် မနာဘူးလား။
ပညာရပ် အမြင်နဲ့ကြည့်ရင် တစ်ကမ္ဘာလုံးနဲ့ လူသားအားလုံး နာပါတယ်။
ဒါပေမယ့် ...

*မသေခင် ဖြည့်ဆည်းရမည့် ဘ၀အရည်အသွေးများ*

မြတ်စွာဘုရားရှင်က “မသေခင် သုတ္တန်” လို့ အဓိပ္ပါယ်ရတဲ့ “ပုရောဘေဒ သုတ္တန်” မှာ မသေခင် ဖြည့်ဆည်းရမယ့် ဘ၀ အရည်အသွေး တွေကို တစ်စုတစ်ဝေးတည်း ဟောကြားထား ပါတယ်။ မြင့်မြတ်တဲ့ လူသားတိုင်းနဲ့ မြင့်မြတ်လိုတဲ့ လူသားတိုင်း မဖြည့်မဖြစ် ဖြည့်ဆည်းရမယ့် စိတ်ဓါတ် အရည်အသွေး၊ ဘ၀ အရည်အသွေးတွေ ဖြစ်လို့ အကျဉ်းဆုံး ချုပ်ပြီး ပြောပြချင်ပါတယ်။

မသေခင်မှာ တဏှာကင်းအောင် ကြိုးစားရပါမယ်။ လုံးဝ မကင်းတောင် နည်းနိုင်သမျှ နည်းရပါမယ်။ အစွန်းထွက်တဲ့ တဏှာမျိုး၊ လွန်ကဲ ဖောက်ပြန်တဲ့ တဏှာမျိုး လုံးဝမဖြစ်အောင် သတိနဲ့ ထိန်းသိမ်းနိုင်ရပါမယ်။

ပြီးဆုံးခဲ့တဲ့ အတိတ်အကြောင်း၊ ဖြစ်မလာသေးတဲ့ အနာဂတ် အကြောင်းတွေကို မလိုအပ်ဘဲ တွေးတောနေပြီး စိတ်ပင်ပန်း မနေသင့်ပါဘူး။ မသေခင် ကိုယ်တကယ်ပိုင်တဲ့ ပစ္စုပ္ပန် တစ်ခဏလေးမှာပဲ စိတ်ကို တည့်တည့် ချထားပြီး လုပ်သင့် လုပ်ထိုက်တာကို အကောင်းဆုံး ဖြစ်အောင် လုပ်ရပါမယ်။

မသေခင်မှာ ကိုယ့်စိတ်ကိုယ် ဒေါသမီး မလောင်မြိုက်အောင် တိမ်းရှောင်နိုင်ရ ပါမယ်။ ထစ်ကနဲရှိ ဒေါသ ထွက်တာမျိုး မလုပ်သင့်ပါဘူး။ သူလည်း တစ်နေ့သေ၊ ကိုယ်လည်း တစ်နေ့သေမယ့်ကိစ္စ ဘာလို့ဒေါသ ထွက်နေဦးမှာလဲ။

နေရာတကာမှာ စိတ်ပူပန်တတ်တဲ့ သူလည်း မဖြစ်သင့်ပါဘူး။ တိုတောင်းလှတဲ့ ဘ၀လေးကို စိတ် ပူလောင်မှုတွေနဲ့ ဘာလို့ အချိန် ဖြုန်းပစ်မှာလဲ။ စိတ်အေးအေး၊ ခေါင်းအေးအေးနဲ့ အရာရာကို ယောနိသော မနသိကာရ ထားတတ်ဖို့ အရေးကြီးပါတယ်။

ရှိတဲ့ဂုဏ်နဲ့ပဲ ဖြစ်ဖြစ်၊ မရှိတဲ့ ဂုဏ်နဲ့ပဲ ဖြစ်ဖြစ် ကြွားတတ်ဝါတတ်၊ ဂုဏ်ပြိုင်တတ်တာ မျိုးလည်း ရှောင်ကြဉ်ရပါမယ်။ ကိုယ်လုပ်တာ၊ ကိုယ်ပိုင်တာ လူတကာ လှည့်ကြွားနေရတဲ့ အရသာက သေရင် ကိုယ့်အတွက် ဘာများ အကျိုးပြုနိုင်မှာ မို့လဲ။

လုပ်သင့်တာ မလုပ်ခဲ့မိ လေခြင်း၊ မလုပ်သင့်တာ လုပ်ခဲ့မိ လေခြင်းလို့ နောင်တရ စိတ် ပူပန်နေတာ မျိုးလည်း မဖြစ်သင့်ပါဘူး။ အသိမှန်၊ သတိမှန်ရတဲ့ အချိန်ကစပြီး လုပ်သင့်တာလုပ်၊ မလုပ်သင့်တာ မလုပ်ဘဲနေရင် မသေခင် ကိုယ့်ဘ၀ဟာ ကျေနပ်စရာ ကောင်းနေပါပြီ။

နှုတ်စောင့်စည်းသူ၊ စကားကို ဉာဏ်နဲ့ ချင့်ချိန် ပြောသူလည်း ဖြစ်ရပါမယ်။ အပိုစကားတွေ၊ အကျိုးမဲ့ စကားတွေကို စိတ်ထင်တိုင်း လျှောက်ပြောနေလို့ ကိုယ့်ပါးစပ်လည်း ကျက်သရေ ရှိမလာနိုင်သလို၊ မသေခင် ကိုယ့်ဘ၀လည်း ကျက်သရေ ရှိမလာနိုင်ပါဘူး။

မသေခင် ကာလလေးက တိုတိုလေးမို့ စိတ်ပျံ့လွင့် တွေးတောပြီးလည်း အချိန်မဖြုန်းသင့် ပါဘူး။ ကုန်သွားတဲ့ အချိန်က ပြန်မရနိုင်တဲ့ အတွက် လက်ထဲ ရောက်လာသမျှ အချိန်တိုင်းကို စိတ်တည်ငြိမ်မှု အပြည့်နဲ့ အကျိုးရှိရှိ အသုံးချတတ် ရပါမယ်။

ကိုယ့်ရဲ့ လက်ရှိဘ၀ကို မကျေနပ်ဘဲ မရေရာ မသေချာတဲ့ အနာဂတ်ဘ၀ကို ပုံဖော် တပ်မက်နေတာမျိုးလည်း လုံးဝ မဖြစ်စေသင့်ပါဘူး။ ကိုယ်နဲ့ ထိုက်တန်လို့ ရလာတဲ့ ကိုယ့်ဘ၀ကို ကျေကျေနပ်နပ် လက်ခံပြီး နေတတ်အောင် နေရပါမယ်။ ပစ္စုပ္ပန်ဘ၀ကို ဖန်တီးပေးလိုက်တဲ့ အတိတ်ကံရဲ့ ဖြစ်တည်ရာ ဘ၀တွေကိုလည်း စိတ်နာနေလို့ အပိုပါပဲ။

ကံ ကံရဲ့အကျိုးမရှိ၊ ရှေးဘ၀၊ နောက်ဘ၀မရှိ အစရှိတဲ့ အယူမှား မိစ္ဆာဒိဋ္ဌိ တွေလည်း ကင်းရှင်းနေရ ပါမယ်။ အယူမှားရင် အလုပ်မှားမယ်၊ အလုပ်မှားရင် အကျိုးတရားလည်း မှားပြီး ပစ္စုပ္ပန်မှာကော သံသရာမှာပါ ဆင်းရဲ ဒုက္ခတွေ ပင်လယ်ဝေရ ပါလိမ့်မယ်။

ကိလေသာ ဖြစ်မယ့်ကိစ္စ၊ အကုသိုလ် ဖြစ်မယ့် ကိစ္စတွေမှာ တွန့်ဆုတ်တဲ့သူ ဖြစ်ရပါမယ်။ ကိလေသာစိတ် မဖြစ်ရဲ၊ အကုသိုလ်အလုပ် မလုပ်ရဲတဲ့သူဟာ သူရဲကောင်း အစစ်ပါ။

ကိုယ့်ကို သူတစ်ပါးတွေ အထင်ကြီးအောင် မဟုတ်မမှန် လုပ်ကြံ လှုံ့ဆော်တာမျိုး လုံးဝ မပြုလုပ်ရပါဘူး။ အံ့ဖွယ် ထူးဆန်းတွေ လိမ်ညာ ဖန်တီးပြပြီး နာမည်ကြီး၊ လာဘ်ပေါ၊ ပရိသတ် များအောင် လုပ်ခြင်းဟာ ကိုယ့်ရဲ့ မသေခင်ဘ၀ကို အမဲရောင် ဆိုးနေတာပါပဲ။

လူသားတွေရဲ့ မသေခင် ဘ၀ကို အရုပ်ဆိုး၊ အကျည်းတန်စေတဲ့ မနာလို၊ ၀န်တိုမှု (ဣဿာ၊ မစ္ဆရိယ) ကိုလည်း တွန်းလှန်နိုင်ရပါမယ်။ ကိုယ့်ထက်သာ မနာလိုတဲ့စိတ်၊ ကိုယ့်လိုပြည့်စုံမှာ ၀န်တိုတဲ့စိတ် လွှမ်းမိုးနေတဲ့ သူဟာ မသေခင်က ပုပ်နေတဲ့ သက်ရှိ အလောင်းကောင်ပါပဲ။

ကိုယ်အပြုအမူ ကြမ်းတမ်းသူ၊ နှုတ်အပြောအဆို ကြမ်းတမ်းသူ၊ စိတ်နေ သဘောထား ကြမ်းတမ်းသူ မဖြစ်စေရ ပါဘူး။

ကိုယ်ကျင့်တရား မကောင်းသူ (သီလမရှိသူ) ကို ပတ်ဝန်းကျင်က ရွံရှာ စက်ဆုပ်ကြပါတယ်။ မသေခင်မှာ ပတ်ဝန်းကျင်က ရွံရှာစက်ဆုပ်တဲ့ ကိုယ်ကျင့်တရား ပျက်သူ မဖြစ်ပါစေနဲ့။

ချစ်ခင်နေသူ အချင်းချင်း၊ အဆင်ပြေနေသူ အချင်းချင်း ကွဲပြားအောင် လှုံ့ဆော်သူ၊ ကုန်းတိုက်သူ မဖြစ်ပါစေနဲ့။ သူ့ရေစက်နဲ့သူ၊ သူ့အကြောင်းဆက်နဲ့ သူ၊ ခင်ကြ၊ အဆင်ပြေနေ ကြတာကို မနာလို ၀န်တိုဖြစ်ပြီး ကွဲပြားအောင် ကုန်းတိုက်တဲ့ သူလောက် ကျက်သရေ ယုတ်တဲ့သူ လောကမှာ မရှိတော့ပါဘူး။

မျက်စိ၊ နား၊ နှာ၊ လျှာ၊ ကိုယ်၊ စိတ်လို့ ခေါ်တဲ့ တံခါး ခြောက်ပေါက်ကနေ အဆင်း၊ အသံ၊ အနံ့၊ အရသာ၊ အထိအတွေ့၊ သဘောတရားလို့ ခေါ်တဲ့ အာရုံ ခြောက်ပါးဆီကို တဏှာလောဘ အစရှိတဲ့ ကိလေသာ ရေအလျင်တွေ စီးဆင်း မသွားအောင် စောင့်ရှောက်နိုင် ရပါမယ်။ မြင်- မြင်ကာမျှ၊ ကြား- ကြားကာမျှနဲ့ ပြီးအောင် သတိပဋ္ဌာန် တရားကို ပွားများနိုင်ရင် ကိလေသာရေ စီးဆင်းမှု ရပ်တန့်သွားမှာပါ။

မာနလွန်ကဲပြီး အောက်ခြေလွတ် ဘ၀င်မြင့်နေတဲ့ သူလည်း မဖြစ်စေရပါဘူး။ မာနကြီးတယ် ဆိုတာ အထင်ကြီးတာပါ။ ပစ္စည်း၊ ရုပ်ရည်၊ ပညာ၊ အာဏာ သူများထက် သာတယ်လို့ ထင်နေတဲ့ အထင်ကြီးနေ တာပါ။ အထင်ဟာ အထင်ပါပဲ၊ တကယ်မဟုတ် ပါဘူး။

မသေခင်မှာ တစ်နေ့ထက် တစ်နေ့ ဉာဏ်ပညာ ကြီးမားသူ ဖြစ်အောင် ကြိုးစားနေရ ပါမယ်။ လောကီဉာဏ်သာ မက လောကုတ္တရာ ဉာဏ်ပါရမှ လူ့ဘ၀ ဖြစ်ရကျိုး နပ်ပါတယ်။

ဘယ်အရာမျိုး မဆို ကိုယ်တွေ့အသိ မပါဘဲ သူတစ်ပါးအပြောနဲ့ ယုံတတ်တဲ့ သူလည်း မဖြစ်စေရ ပါဘူး။ သိသင့် သိထိုက်တာ မှန်သမျှ သူတစ်ပါး ပါးစပ်မှာ လမ်းဆုံး၊ သူတစ်ပါး ပြောတာ ယုံနေရုံလောက်နဲ့ မပြီးဘဲ ကိုယ်တိုင်သိ၊ ကိုယ်တိုင် မြင်အောင် ကြိုးပမ်း အားထုတ်ရပါမယ်။

ဒါန၊ သီလ၊ သမထ၊ ၀ိပဿနာ ကုသိုလ် ကောင်းမှုတွေ ပြုလုပ်တဲ့ အခါမှာလည်း လာဘ်မျှော်တဲ့ စိတ်နဲ့ မပြုလုပ်ရပါဘူး။ လူမှုရေး လာဘ်လာဘလို့ ခေါ်တဲ့ ထင်ပေါ် ကျော်စောမှု၊ စီးပွားရာထူး တိုးတက်မှု၊ သံသရာ ကောင်းစားမှုတွေကို လုံးဝ မမျှော်ကိုးဘဲ သံသရာ ၀ဋ်ဆင်းရဲမှ လွတ်မြောက်လိုတဲ့ စိတ်၊ သတ္တ၀ါအများ ကောင်းစားစေ လိုတဲ့ စိတ်နဲ့ ပြုလုပ်ကြရပါမယ်။

အကောင်းအဆိုး လောကဓံ အမျိုးမျိုးနဲ့ တွေ့ကြုံလာတဲ့ အခါမှာလည်း စိတ်မတက်၊ စိတ်မပျက်ဘဲ တည်တည် ငြိမ်ငြိမ်နဲ့ ခံနိုင်ရည် ရှိရပါမယ်။

သက်ရှိသက်မဲ့ တစ်ခုခုအပေါ် တပ်မက်စွဲလမ်းတဲ့ တဏှာကို အကြောင်းပြုပြီး ဘယ်သူနဲ့မှ ဆန့်ကျင်ဘက် မဖြစ်စေရ ပါဘူး။ တဏှာတစ်ခုခုရဲ့ နောက်မှာ ဆင့်ပွား အကုသိုလ် စိတ်တွေ၊ မကောင်းမှု ဒုစရိုက်တွေ တွဲပါမလာအောင် ထိန်းသိမ်း နိုင်ခြင်းဟာ အဆင့်မြင့် ပုထုဇဉ်တွေရဲ့ အရည်အချင်း တစ်ခုပါပဲ။

အစားအသောက်နဲ့ ပတ်သတ်ပြီး တော့လည်း ဒါမစားရ မနေနိုင်၊ ဒါမသောက်ရ မနေနိုင် တမ်းတမ်းစွဲ မက်မောမှု ကင်းရှင်းရ ပါမယ်။ ရသ တဏှာကို ထိန်းချုပ် စောင့်စည်းနိုင်ရ ပါမယ်။

ကိုယ်အပြုအမူ ဖြစ်သမျှ၊ စိတ်အနေအထား ဖြစ်သမျှကို အမြဲ သတိကပ် ရှုမှတ်နိုင်တဲ့ အတွက်ကြောင့် ကြုံလာသမျှ အာရုံကောင်းဆိုး အမျိုးမျိုးကို မချစ်၊ မမုန်းဘဲ ဥပေက္ခာပြု အညီအမျှ ရှုနိုင်တဲ့သူ ဖြစ်ရပါမယ်။

ကိုယ့်အထက် လူနဲ့ နှိုင်းယှဉ်တဲ့ မာန၊ ကိုယ့်တန်းတူ လူနဲ့ နှိုင်းယှဉ်တဲ့ မာန၊ ကိုယ့်အောက်တန်း လူနဲ့ နှိုင်းယှဉ်တဲ့ မာန၊ မာနသုံးမျိုးလုံး ကင်းရှင်းရပါမယ်။

သေပြီးရင် အသက်ကောင်၊ ၀ိညာဉ်ကောင်လေး နောက်ဘ၀ လိုက်တယ်ဆိုတဲ့ သဿတ ဒိဋ္ဌိ၊ သေပြီးပြတ်တယ်၊ ဘာမှ မဖြစ်တော့ဘူး ဆိုတဲ့ ဥစ္ဆေဒ ဒိဋ္ဌိ၊ ဒီ ဒိဋ္ဌိနှစ်ပါးလည်း ကင်းရှင်းရပါမယ်။ ဒီ ဒိဋ္ဌိနှစ်ပါး ရှိနေရင် မသေခင် လုပ်ရမယ့် အလုပ်တွေ ကမောက်ကမ ဖြစ်ပြီး သံသရာမှာ ချောက်ကျရပါလိမ့်မယ်။

ကိုယ်နဲ့ ပတ်သတ် ဆက်စပ်နေတဲ့ သားသမီးစတဲ့ သက်ရှိ ပုဂ္ဂိုလ်တွေ၊ အိမ်၊ မြေ စတဲ့ သက်မဲ့ အရာဝတ္ထု တွေကို ငါ့သား၊ ငါ့သမီး၊ ငါ့အိမ်၊ ငါ့မြေဆိုပြီး ငါစွဲကြီးကြီး၊ ငါ့ဥစ္စာ အစွဲကြီးကြီးနဲ့ သိမ်းပိုက်ထားတဲ့ စိတ်မျိုး ကင်းရှင်းရပါမယ်။

ဘာအလုပ်ပဲ လုပ်လုပ် ကိလေသာကို ရှေ့တန်းတင်တဲ့ အလုပ်၊ ကိလေသာကို ဆရာတင်တဲ့ အလုပ်မျိုး မဖြစ်အောင် သတိထားရပါမယ်။

ကိလေသာ အရင်းမခံဘဲ အလုပ်လုပ်နေ ပါရက်နဲ့ သူတစ်ပါးတို့က ကိလေသာ အရင်းခံတယ်လို့ ထင်ယောင် ထင်မှား စွပ်စွဲလာရင်လည်း မတုန်မလှုပ် သည်းခံနိုင်ရ ပါမယ်။

“တစ်လောကလုံးမှာ ကိုယ်ပိုင်တာ ဘာမှမရှိပါလား” ဆိုတဲ့ အသိ စွဲစွဲမြဲမြဲ ရှိနေရပါမယ်။ အဲဒီအသိ စွဲစွဲမြဲမြဲ ရှိနေပြီဆိုရင် ရှိချင်တာ မရှိလို့လည်း မပူပန်တော့ဘူး။ ရှိပြီးတာ မရှိလို့လည်း မဆူညံတော့ ပါဘူး။

ချစ်ခြင်း၊ မုန်းခြင်းစတဲ့ ကိလေသာကို အရင်းခံပြီး မလုပ်သင့် မလုပ်ထိုက်တာ လုပ်တဲ့ အဂတိ လိုက်စားမှုလည်း ကင်းရှင်းရပါမယ်။ အဂတိရဲ့ လားရာဟာ ဒုဂ္ဂတိပါ။

လောကမှာ လူသားတွေ မလုပ်သင့် မလုပ်ထိုက်တာ လုပ်၊ လုပ်သင့် လုပ်ထိုက်တာ မလုပ် ဖြစ်နေကြတာဟာ အရင်းခံကတော့ ကိလေသာပါပဲ။ ကိလေသာ ခေါင်းပါးလာတာနဲ့ အမျှ မလုပ်သင့် မလုပ်ထိုက်တာ တွေလည်း ရှောင်ကြဉ်နိုင်လာ ပါလိမ့်မယ်။ လုပ်သင့် လုပ်ထိုက်တာ တွေလည်း ဆောင်ငင်နိုင်လာ ပါလိမ့်မယ်။

မလုပ်သင့်တာ အားလုံး အကြွင်းမဲ့ ရှောင်နိုင်ပြီး လုပ်သင့်တာ အားလုံး အကြွင်းမဲ့ ဆောင်နိုင်ပြီ ဆိုရင်တော့ အကြွင်းမဲ့ ဘ၀လွတ်မြောက်မှုကို ရပါပြီ။ သေခြင်းတရားက အကြွင်းမဲ့ လွတ်မြောက်ပါပြီ။ ထပ်တလဲလဲ တစ်သေတည်း သေနေရတဲ့ အဖြစ်ဆိုး၊ ဒုက္ခဆိုးတွေက ထာဝရ လွတ်မြောက်ပါပြီ။ အနှိုင်းမဲ့ နိဗ္ဗာန်မှာ အကြွင်းမဲ့ ပျော်စံနိုင်ပါပြီ။

ဒါကြောင့် မသေခင် လုပ်ရမယ့် အလုပ်တွေထဲမှာ အရေးအကြီးဆုံး၊ ပဓာန အကျဆုံးကတော့ ကိလေသာ ခေါင်းပါးရေး အလုပ်၊ ကိလေသာ အမြစ်ပြတ်ရေး အလုပ်ပါပဲ။